Сот қызметкердің бұрынғы лауазымын қалпына келтірді
Орал қаласының №2 сотына қала тұрғыны Т. ЖК-ге жұмыстан босату әрекетін заңсыз деп тану туралы, бұрынғы лауазымдық қызметіне жұмысқа қайта алу туралы, амалсыздан бос жүрген уақыты үшін 300 000 теңге көлемінде жалақы өндіріп алу туралы, үстеме жұмыстары, мереке және демалыс күндеріндегі жұмыстары үшін 631 945 теңге мөлшерінде төлеуге міндеттеу туралы, бүкіл жұмыс кезеңі үшін жыл сайынғы ақылы демалыс үшін 96 517 теңге мөлшерінде берешек сомасын өндіріп алу туралы, нақты жалақысынан 77 990 теңге әлеуметтік медициналық сақтандыру қорына төлеуді міндеттеу туралы арызымен жүгінді.
Талапкер 2017 жылдың 01 желтоқсанында ЖК-ға шарт жасамай жұмысқа қабылданады. Қызметкер мен жұмыс берушінің арасындағы еңбек қатынастары жалақы төлеу және міндетті зейнетақы аударымдарын аудару арқылы дәлелденеді.
Қызметкердің дәлелді себепсіз қатарынан үш және одан да көп сағат бойы жұмыста болмауы жұмыстан шығаруға негіз болып табылған. Жауапкер микрокәсіпкерлік субъектісі болып табылады, осыған байланысты ЖК-да келісім комиссиясы болмаған.
ҚР ЕК-нің 35-бабының 6-тармағына сәйкес аударылған міндетті зейнетақы жарналары туралы Бірыңғай жинақтаушы зейнетақы қорынан үзінді көшірме қызметкердің еңбек қызметін растайтын құжат бола алады. Жауапкермен еңбек кітапшасына тиісті жазбалар енгізе отырып, қызметкерді жұмысқа қабылдау мен жұмыстан босатуды тиісті түрде ресімдемегеніне қарамастан, жұмыс берушінің қызметкермен еңбек қатынастарын тиісінше ресімдемеуі еңбек шартының іс жүзінде жасалмағанын және қызметкер үшін қолайсыз салдарлардың туындауына негіз болып табылмайтынын айғақтамайды.
Жауапкер қызметкердің жұмысқа шықпау фактісі бойынша жазбаша түсініктеме беруден бас тарту туралы актіні сотқа ұсынған жоқ.
Сот істің барлық мән-жайлары мен материалдарын зерттеп, шағымды ішінара қанағаттандырып, кассир лауазымына қайта алды. Сотталушының нақты жалақысынан зейнетақы аударымдарын төлеу міндеттемесімен амалсыз бос жүрген уақыты үшін жалақыны өндіріп алды.
Сот талапкердің үстеме жұмыстарға, мереке және демалыс күндеріндегі жұмыстарға 631 945 теңге мөлшерінде ақы төлеуге міндеттеу бөлігіндегі талаптарын негізсіз деп тапты және қабылданбауға тиіс, өйткені сотқа осы мән-жайларға дәлелдемелер ұсынылмаған.
Сот шешімі заңды күшіне енді.
Орал қаласының №2 соты
Батыс Қазақстан облысы
[xfvalue_img]
20 пікір