Жамбыл облысы әкімдігінің білім басқармасының «Өмірлік қиын жағдайдағы балаларды қолдау
Жамбыл облысы әкімдігінің білім басқармасының «Өмірлік қиын жағдайдағы балаларды қолдау орталығында отбасы күніне арналған іс-шараға Жамбыл облысы кәмелетке толмағандардың істері жөніндегі мамандандырылған ауданаралық сотының судьясы Т.С.Султанова қатысты
Аталған іс-шараға Жамбыл облысы кәмелетке толмағандардың істері жөніндегі мамандырылған ауданаралық сотының судьясы Т.С.Сұлтанова, Жамбыл облысының полиция департаментінің өкілдері қатысты.
Іс-шараның мақсаты: Дене шынықтыру мен спортқа деген сүйіспеншілік, салауатты өмір салтын насихаттау, отбасыларымен өзара байланысты қалыптастыру болып табылады.
Іс-шараны ювеналдық соттың судьясы Т.С.Сұлтанова салтанатты түрде ашып, ҚР тұңғыш Президентінің Жарлығымен қыркүйек айының екінші жексенбісі «Отбасы күні» деп белгіленгенін айтып, «Отбасы күні» мерекесімен құттықтап, қатысушыларға сәттілік тіледі.
Аталған спорттық іс-шараға 3 команда қатысты. Олар: «Жас Ұлан» командасы, «Шаңырақ»командасы және «Тұлпар» командасы.
Бірінші орынды «Шаңырақ» командасы, екінші орынды «Жас Ұлан» командасы, үшінші орынды «Тұлпар» командасы иеленді.
Іс-шара соңында жеңімпаз командаға диплом мен құнды сыйлықтар табыс етілді.
Жамбыл облысы кәмелетке толмағандардың істері жөніндегі мамандандырылған ауданаралық сотының баспасөз қызметі
[xfvalue_img]
17 пікір