Қазақстан президенті Қасым-Жомарт Тоқаев Coca-Cola Içecek Kazakhstan Шымкент қаласындағы жаңа зауытына барды

Қазақстан Республикасының Президенті Қасым-Жомарт Тоқаев жұмыс сапары аясында Шымкент қаласында орналасқан Coca-Cola Içecek Kazakhstan жаңа зауытына барды. Аталмыш заманауи өндіріс орны аймақ өнеркәсібін дамытып, елдің алкогольсіз сусындар нарығындағы позициясын нығайтуда маңызды қадам болды.

Coca-Cola Içecek Kazakhstan зауыты Қазақстандағы компания өнімдеріне өсіп келе жатқан сұранысты қанағаттандыру үшін өндірістік қуаттарды кеңейтіп, логистикалық инфрақұрылымды жақсарту мақсатында ашылды. Заманауи технологиялар, өндіріс саласындағы инновациялық шешімдер мен автоматтандырудың жоғары дәрежесі зауытқа өнім сапасын жақсартып, өндірістің экологиялық тұрақтылығына маңызды үлес қостырады.

Жобаға салынған инвестиция мөлшері 27 млрд теңгені құрады, 16 га жерді иеленген зауыт "Сауда-логистикалық орталық" индустриалдық аймағында орналасқан. Жоба Шымкент қаласы әкімдігі мен «Kazakh Invest» ҰК» АҚ қолдауымен жүзеге асырылды.

Жаңа зауыттың негізгі сипаттамалары:

• Өндірістік қуаттылығы жылына 283 млн. литр өнім өндіруге мүмкіндік береді, бұл Қазақстан нарығында шығарылатын өнім көлемін едәуір арттырады.
• Экологиялық таза технологиялар мен қалдықтарды басқару жүйесін енгізу халықаралық стандарттарға сай келеді және аймақтың тұрақты дамуына ықпал етеді.
• Жергілікті тұрғындар үшін 150-ден астам жаңа жұмыс орнын құру аймақ экономикасының дамуына және жұмыссыздық деңгейінің төмендеуіне ықпал етеді.

Сапар барысында президент Тоқаев зауыттың өндірістік желілерін аралап, оның инновациялық қызметімен танысты. Президент осындай ірі кәсіпорындардың дамуы Қазақстан экономикасын әртараптандыруда және оның өнеркәсіптік әлеуетін нығайтуда маңызды рөл атқаратынын атап өтті.

2013 жылдан бастап CCI-дің Қазақстан мемлекеттік бюджетіне төлеген салықтық аударымдары 376 млрд теңгеден асып түскенін айта кету керек. Компанияның ел экономикасына салған инвестицияларының жалпы көлемі 106 млрд теңгеден (500 млн. АҚШ доллары) астам.

Coca-Cola Içecek Kazakhstan Бас директоры Вели Динчель: "Қазақстан нарығына келгеніміздің 30 жылдығын атап өтудеміз және Президент сапары біз үшін ерекше маңызға ие. Ел экономикасы дамуының бір бөлігі болғанымызды мақтан тұтамыз және мұндай сапарлар тұрақты әрі тартымды инвестициялық ахуалды сақтаудың маңыздылығын көрсетеді. Қазақстан экономикасының дамуына және жаңа жұмыс орындарын құруға елеулі үлес қосуға ұмтыла отырып, инновацияларды енгізуді және өнімдеріміздің сапасын жетілдіруді жалғастырамыз. Жаңа зауыт - бұл біздің Қазақстанмен әріптестік байланыстарды ұзақ мерзімді дамыту мен нығайтуға деген ұмтылысымыздың айғағы".

Coca-Cola Içecek Kazakhstan компаниясы туралы:

CCI — бұл сусындар өндірумен айналысатын трансұлттық компания, ол Түркияның жетекші Anadolu Group конгломератының құрамына кіреді. Anadolu Group 20 елде жұмыс істейді және 100-ден астам елге экспорт жасайды, сонымен қатар 8 түрлі салада қызмет атқарып, 80-нен астам компания мен шамамен 100 өндірістік қуаттылығы, 6 ғылыми-зерттеу және тәжірибелік-конструкторлық орталықтары және 100 000-нан астам қызметкері бар.

CCI 10 000-нан астам қызметкерді жұмыспен қамтып, 12 елде (Түркия, Пәкістан, Қазақстан, Ирак, Өзбекстан, Әзербайжан, Қырғызстан, Бангладеш, Иордания, Тәжікстан, Түркменстан және Сирия) 33 сусын шығаратын зауыт пен 3 жеміс өңдеу зауытына ие, 600 миллион адамға арналған сусындар ассортиментін ұсынады. Газдалған сусындардан басқа, өнімдер портфелі шырындар, су, спорттық және энергетикалық сусындар, салқындатылған шәй мен кофе өнімдерін қамтиды. Компания Қазақстанда 1994 жылдан бері қызмет атқарып, Алматы облысында, Астана және Шымкент қалаларында үш зауытында газдалған сусындар, салқын шәй, таза су және шырындар өндіріп келеді.