СҚО-да Сыбайлас жемқорлыққа қарсы қызметтің бақылауымен құрылысы ұзаққа созылған 4 нысан пайдалануға берілді
Сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаменті құрылыс саласындағы заңдылық пен тәртіп қағидатын қамтамасыз етуге ерекше назар аударады.
Өңірдің проблемалық объектілерінің құрылысын сүйемелдеу бойынша жүргізілген жұмыстың нәтижесінде құрылысы ұзаққа созылған 4 нысан пайдалануға берілді.
Олардың ішінде Айыртау ауданындағы жабық хоккей корты, Тимирязев ауданындағы 2 мәдени орталық, сондай-ақ халықтың әлеуметтік осал топтарына арналған Шал ақын ауданындағы көппәтерлі тұрғын үй.
Сыбайлас жемқорлыққа қарсы іс-қимыл агенттігі облыстық департаментінің басшысы Асхат Жақыпбеков Сыбайлас жемқорлыққа қарсы іс-қимыл жөніндегі ведомствоаралық комиссияның отырысында құрылыс жұмыстарының мерзімдерін бұзу себептерін талдау бірқатар жүйелі проблемаларды анықтағанын атап өтті.
Оның ішінде жосықсыз мердігерлермен құрылыс мерзімдерін негізсіз ұзарту, оларды жауапкершіліктен жалтарту, құрылысты тиісті бақылаудың болмауы, жобалық шешімдердің сәйкес келмеуі және т.б.
Бүгінгі күні ведомство ағымдағы жағдайды талдау қорытындысы бойынша мониторингке 7 жаңа «нысанды» алды, осыған байланысты бейінді басқармаға салынып жатқан объектілерге тұрақты мониторинг жүргізу жөніндегі регламентті әзірлеу және оларды қатаң бақылауға алу ұсынылды.
[xfvalue_img]
