Бүгін Нұр-Сұлтандық жас сарбаздар Қарулы Күштерге мерзімді қызмет атқаруға аттанды
Азаматтарды көктемгі мерзімді әскери қызметке шақыру қызу жүріп жатыр
Бүгінгі Нұр-Сұлтан қаласының жиын пунктіндегі жас сарбаздар Қазақстан Республикасы Қарулы Күштері қатарына 2020 жылғы көктемгі шақырылымның жас толымы болып аттанды.
Сарбаздар, Әскери ант қабылдағаннан кейін Жамбыл облысындағы әскери бөлімдерде әскери қызметтерін атқарады.
Қарулы күштеріміз озық технологиялар және заманауи техникалармен кеңінен жабдықталуда. Сол себепті әскеріміздің қатарын жас сарбаздармен толықтыруды сапалы жүргізуге аса көңіл бөлінуде.
Бұл туралы Нұр-Сұлтан қаласы қорғаныс істері жөніндегі департаментінің бастығының орынбасары Ерболат Жүсіпов былай дейді:
- Биылғы жылы ел Президенті Қ.К. Тоқаевтың 2020 жылғы 30 сәуірдегі №312 Жарлығы бойынша көктемгі әскерге шақыру науқанының өткізілу уақыты ұзартылып, азаматтарды әскерге жөнелту мерзімі тамыз айына дейін созылатын болады. Наурыз-мамыр аралығындағы болған елдегі карантин шаралары уақытында мерзімді әскери қызметке шақыру уақытша тоқтатылып, мамыр айының аяғында қайта басталды. Мамыр-маусым айларында Қазақстан Республикасының Ұлттық қауіпсіздік қызметінің Шекара әскерлері мен Ұлттық Ұлан әскери бөлімдерін жас сарбаздармен толықтыру жоспарлы түрде орындалды. Әскери бөлім командирлерінен біздің жөнелткен Елордалық сарбаздарымыздың үздік қызметтері мен елдің қорғаныс қабілеттілігіне қосып отырған еңбектері туралы алғыстары да келіп отыр.
Шілде айынан бастап Қазақстан Республикасы Қарулы Күштері әскери бөлімдерінде қызметін аяқтаған сарбаздардың орынына жас толымды жөнелте бастадық. Шақырылатын жастарымыз Қапшағай қаласындағы десанттық-шабуылдаушы әскерлер және Ақтау қаласындағы теңіз жаяу әскері әскери бөлімдері секілді элиталық бөлімдерге барады. Сонымен бірге механикаландырылған бригадалар мен Әуе қорғанысы күштері бөлімдерінде 18 бен 27 жас аралығындағы жастармен толықтырамыз».
Нұр-Сұлтан қаласы қорғаныс істері жөніндегі департаменті
[xfvalue_img]
