ШҚО-да қоғам өкілдері сыбайлас жемқорлықпен күресуде
ШҚО-да қалалар мен аудандар әкімдері аппараттары басшыларының қатысуымен Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыруды сыртқы талдау және бағалау бойынша арнайы мониторингтік тобының (АМТ) онлайн отырысы өтті. Кеңес барысында ағымдағы жылдың 5 айындағы жұмыс қорытындылары мен ағымдағы жылдың соңына дейінгі міндеттер талқыланды.
Шығыс Қазақстан облысы бойынша Сыбайлас жемқорлыққа қарсы қызмет Департаменті басшысының бірінші орынбасары Ж. Байділдин республикалық АМТ қызметімен таныстырды. Сондай-ақ, АМТ жұмысының моделі қалыптастырылғанын және қойылған міндеттерді айқын түсінетінін атап өтті. Олардың жұмысы әкімшілік кедергілер мен сыбайлас жемқорлық тәуекелдерін азайтуға, транспарентті, ашық және есеп беретін мемлекетке өтуді қамтамасыз ете отырып, мемлекеттік қызметтердің сапасын арттыруға бағытталған.
"Облыстық және аудандық АМТ құрамына ШҚО белсенді азаматтары (бұқаралық ақпарат құралдары, мемлекеттік органдар мен қоғам өкілдері) кірді. Кең өкілдік көптеген салалар мен бағыттарда табысты жұмыс істеуге мүмкіндік береді. Олар денсаулық сақтау, білім беру, ХҚКО, көші-қон қызметі, көліктік бақылау, кеден қызметі, автомобиль жолдары және т. б. объектілерінде Сыбайлас жемқорлыққа қарсы стратегияның іске асырылуын сыртқы бағалауды жүзеге асырады. Алдағы уақытта жұмыс жалғасын тауып, жетілдірілетін болады", - деді отырыс модераторы Департаменттің Превенция және парасаттылық басқармасының басшысы Р. Набиев.
Облыстық АМТ басшысы С. Каримов барлық аудандық АМТ басшыларына кеңес берді:
- біріншіден, азаматтардың өтініштеріне жедел әрекет ету үшін әлеуметтік желілерде парақшалар ашу;
- екінші, халық үшін ауырсыну нүктелерін анықтай отырып, әлеуметтік маңызды салаларда мониторинг жүргізу.
ҚР Сыбайлас жемқорлыққа қарсы іс-қимыл Агенттігінің
ШҚО бойынша Департаменті
[xfvalue_img]
