15 қыркүйек - жалпыға бірдей декларациялау шеңберінде декларацияларды тапсырудың соңғы күні
Алматы қаласы бойынша Мемлекеттік кірістер департаменті 2024 жылғы жалпыға бірдей декларациялаудың үшінші кезеңінің қатысушыларына активтер мен міндеттемелер туралы декларацияларды 15 қыркүйекке дейін ұсынуды қатаң түрде ұсынады, себебі бұл жалпыға бірдей декларациялау шеңберінде декларацияларды тапсырудың соңғы күні.
2024 жылы жалпыға бірдей декларациялаудың үшінші кезеңіне қатысушылар, оның ішінде заңды тұлғалардың басшылары, құрылтайшылары мен қатысушылары, сондай-ақ жеке кәсіпкерлер мен олардың жұбайлары декларацияның бастапқы 250.00 нысанын тапсыруға міндетті.
Бұдан басқа, білім беру, денсаулық сақтау, мәдениет, спорт және басқа да салалардағы мемлекеттік мекемелердің қызметкерлері, сондай-ақ квазимемлекеттік сектор субъектілерінің қызметкерлері және олардың жұбайлары сияқты екінші кезеңнің қатысушылары 2024 жылы декларацияның 270.00 бастапқы нысанын ұсынуы тиіс екенін еске саламыз.
Белгіленген мерзімдерді сақтаудың маңыздылығына ерекше назар аударамыз, өйткені декларацияларды уақытылы тапсырмау әкімшілік жауапкершілікке әкелуі мүмкін.
Консультациялар мен техникалық қолдау алу үшін 267-69-26 телефоны бойынша Алматы қаласы бойынша МКД жеке тұлғаларды әкімшілендіру және жалпыға бірдей декларациялау бөліміне, 1414 call-орталығына хабарласуға немесе @mkdalmaty_dgdalmaty Instagram аккаунтына Direct-ке жазуға болады.
[xfvalue_img]