"Касперский зертханасы" компьютерлік тінтуірдің USB имитаторларын пайдалану неге қауіпті болуы мүмкін екенін хабардар етті
Маркетплейстерде тінтуір қозғалысын имитациялайтын құрылғылар танымал бола бастады. Алайда, мұндай құрылғылар құрылғылардың киберқауіпсіздігіне және қызметкерлердің өздері мен бүкіл ұйымның деректеріне үлкен қауіп төндіруі мүмкін. Бұл компьютер ұйқы режиміне өтіп кетпей, қызметкердің жұмыс жасап жатқан сыңайын көрсететін компьютерлерге арналған USB құрылғысы.
Тінтуірдің имитацияларын қоса, USB құрылғыларында әртүрлі киберқауіптер болуы мүмкін. Бұл вирустар, төлем бағдарламалары, деректерді шифрлау және олардың құлпын ашу үшін төлемді талап ету, сондай-ақ пайдаланушының рұқсатынсыз құпия ақпаратты жинайтын шпиондық бағдарлама болуы мүмкін. 2024 жылдың қаңтарынан мамырына дейін Қазақстанда жергілікті қауіптер (соның ішінде USB дискілері арқылы берілетін зиянды бағдарлама) пайдаланушылардың 27%-ы құрылғыларда табылды және бұғатталды.
"Тінтуірдің USB имитациялайтын құрылғылар және осыған ұқсас құрылғыларды пайдалану хакерлер үшін құпия ақпаратқа қол жеткізе алатын немесе корпоративтік цифрлық жүйелерді бұзуға бағытталған кіру нүктесі болуы мүмкін",-деп ескертеді Касперский зертханасының зерттеу орталығының жетекшісі Дмитрий Галов.- Компаниялар корпоративті компьютерлерге қосылған құрылғыларға ерекше назар аударып, қатаң бақылау шараларын қабылдауы керек. Бұл барлық USB құрылғыларын тексеруді, күдікті әрекеттерді анықтайтын және бейтараптандыратын сенімді антивирустық бағдарламалық жасақтаманы және бақылау жүйелерін пайдалануды және жұмыс компьютерлерінде жеке құрылғыларды пайдалануды шектеуді қамтиды. Қызметкерлерге ықтимал қауіптер туралы хабарлау үшін киберқауіпсіздік бойынша оқыту курстарын жүйелі түрде өткізу қажет. Бұл шаралар компанияны ықтимал шабуылдардан қорғауға және деректердің қауіпсіздігін сақтауға көмектеседі. Жеке пайдаланушыларға әрдайым қырағы болуды, белгісіз құрылғыларды компьютерлеріне қоспауды, сенімді қорғаныс шешімін қолдануды ұсынамыз».
[xfvalue_img]
