Елордалық полицейлер үйсіз қалған 50-ге жуық адамды үсік шалудан аман алып қалды
Қыс мезгілінде, әсіресе, қатты аяз кезінде үйсіз-күйсіз адамдардың үсік шалуының алдын алу полиция қызметкерлерінің кезек күттірмейтін міндеті.
Аязды күндері учаскелік полиция инспекторлары күшейтілген режимде жұмыс істеді. Қызметкерлер құдықтар мен жылу трассаларын, жертөлелер мен шатырларды, қараусыз қалған үйлерді тексерді.
Белгіленген тұрғылықты жері жоқ адамдар полиция бөлімшесіне жеткізіледі. Мұнда олар фото және бейне тіркеу, саусақ іздерін алу, мәліметтер базасы тексеру сияқты қажетті процедуралардан өтеді. Содан кейін полицейлер қаңғыбастарды қиын өмірлік жағдайға тап болған адамдарды әлеуметтендіру орталығына жібереді.
Үйсіздердің тағдырына еріктілер де белсене қатысады. Байқоңыр аудандық ПБ жергілікті полиция қызметінің бастығы Самат Айнабаевтың айтуынша, қатты аяз кезінде аудандық ішкі істер бөліміне қала көшелерінен 50-ге жуық қаңғыбастар жеткізілген.
Астана қаласы ПД Баспасөз қызметі
[xfvalue_img]
