АНТИКОР ЕРІКТІЛЕРДІ ІЗДЕЙДІ
Қостанай облысының сыбайлас жемқорлыққа қарсы қызметі «Сыбайлас жемқорлық еріктілері» жобасына ерікті болуға тілек білдірушінің барлығын шақырады.
Жобаның мақсаты – алаңдаушылық білдіретін азаматтарды, қоғамдық бірлестіктерді, бизнес және квазимемлекеттік сектор субъектілерін еріктілер ретінде сыбайлас жемқорлық қызметіне шақыру.
«Жоба шеңберінде Сіз келесі бағыттар арқылы сыбайлас жемқорлыққа қарсы іс-қимылға мықты көмек көрсете аласыз: қоғамдық бақылау, сыбайлас жемқорлыққа қарсы зерттеу және құру, Probonoволонтерство (кәсіби көмек көрету) және корпоративтік еріктілік. Бұл бағыттар және шаралар толық болып табылмайды, және ерікті өзі орындайтын қызмет түріне қарай жеке әрекеттерді немесе жоба бағыттарын таңдай алады» деп хабарлайды мекеме.
Әлеуетті ерікті болып белсенді азаматтар, қоғамдық бірлестіктер, студенттер, студенттік ұйымдар, зерттеу орталықтары, адвокаттар, нотариустар, сарапшылар және мамандар, меморгандар, квазимемлекеттік сектор субъектілері, жеке ұйымдар және басқалар да бола алатыны анықталады.
Сонымен қатар, Антикор еріктілерімен қоғамда сыбайлас жемқорлыққа төзбеушілік атмосферасын қалыптастыру, сондай-ақ сыбайлас жемқорлық құқық бұзушылықтар жасауға мүмкіндік жасайтын жағдайлар мен себептерді анықтау және олардың салдарын жоюмен жұмыс жасау жоспарлануда.
Жобаға қатысу үшін Қостанай қаласы, Гашек көшесі, 4, (байланыс телефоны 8 (7142)914-222) мекенжайы бойынша Агенттіктің Қостанай облысы бойынша сыбайлас жемқорлыққа қарсы іс-қимыл департаментіне жүгіну қажет.
Сондай-ақ еріктілерді тіркеу (eOtinish, up.kostanay@antikor.gov.kz электрондық поштасы бойынша, WhatsApp 87478070921) өтініштер қабылдайтын қолжетімді каналдар бойынша кандидаттың сауалнама-өтінішін қабылдау арқылы жүзеге асырылады.
[xfvalue_img]
