ХАБАРЛАНДЫРУ!

Қазақстан Республикасының Жоғары Сот Кеңесі, облыстық және оған теңестірілген соттардың алқа төрағалары мен судьяларының, аудандық және оған теңестірілген соттардың төрағалары мен судьяларының бос орындарына орналасу үшін 2020 жылдың 2 қарашасында конкурс жариялады.

«Қазақстан Республикасының Жоғары Сот Кеңесі туралы» Қазақстан Республикасы Заңының талаптарына сәйкес, жұмыс орны немесе тұрғылықты мекен-жайы бойынша облыстық және оған теңестірілген соттың жалпы отырысының және Соттармен өзара іс-қимыл жөніндегі кеңестің қорытындыларын алу қажет.

Аудандық соттың төрағасы мен судьясы лауазымына конкурсқа қатысушылар тұрғылықты жері немесе жұмыс орны бойынша Соттармен өзара іс-қимыл жөніндегі кеңестің және облыстық соттың жалпы отырысының қорытындыларын алуға тиіс.

      Облыстық соттың сот алқасының төрағасы лауазымына конкурсқа қатысушылар тұрғылықты жері немесе жұмыс орны бойынша Соттармен өзара іс-қимыл жөніндегі кеңестің және Жоғарғы Соттың жалпы отырысының қорытындыларын алуға тиіс.

      Облыстық сот судьясы лауазымына конкурсқа қатысушылар тұрғылықты жері немесе жұмыс орны бойынша Соттармен өзара іс-қимыл жөніндегі кеңестің және облыстық соттың жалпы отырысының қорытындыларын, сонымен қоса тиісті облыстық соттың жалпы отырысының қорытындысын алуға тиіс.

Осыған орай, облыстық және оған теңестірілген соттардың алқа төрағалары мен судьяларының, аудандық және оған теңестірілген соттардың төрағалары мен судьялары лауазымдарына конкурсқа қатысушы кандидаттар үшін 2020 жылдың 25 қарашасы сағат 10:00-де Соттармен өзара іс-қимыл жөніндегі кеңес және 26 қарашасы сағат 16:00-де Нұр-Сұлтан қаласы сотының жалпы отырыстары қашықтық тәсілімен болатынын хабарлаймыз.

Соттармен өзара іс-қимыл жөніндегі кеңестің отырыстарында талқылау туралы өтініштерін қосымшада келтірілген тізімдегі құжаттарды ұсына отырып, 2020 жылдың 17 қараша сағат 15:00-дейін тапсырулары қажет.

Ескерту: ағымдағы жылдың 17-ші қараша сағат 15:00-ге дейін құжаттар ұсынбаған үміткерлер Кеңес отырысы мен Нұр-Сұлтан қалалық сотының жалпы отырысына талқылауға жіберілмейді.

Судья лауазымдарына алғаш рет қайта түсетін адамдар үшін құжаттар тізімі:

1. Кадр есебі жөніндегі жеке іс парағы;

   (жақын туыстарының ЖСН көрсете отырып толтыру қажет)

2. Өмірбаян;
3. Қолданыстағы жеке куәліктің көшірмесі;
4. Жоғары және жоғары оқу орнынан кейінгі білімі туралы дипломы мен қосымшаның көшірмелері

    (оның ішінде орта білім дипломы);

5. Біліктілік емтиханын тапсырғанын растайтын құжаттар;
6. Қолданыстағы еңбек кітапшасының көшірмесі;
7. Қызметтік мінездеме;
8. Тағылымдаманың қорытындысы.

Нұр-Сұлтан қалалық соты судья лауазымына кандидаттарды іріктеудің айқындылығын, жариялығын және қолжетімділігін қамтамасыз ету мақсатында судьялыққа кандидаттардың тізімін ұсынады.

Судьялыққа кандидаттарға қойылатын талаптардың жоғарылауына байланысты, жұртшылықтың өз пікірлерін білдіруге болатындығы хабарланады. Сіздің әр судьялыққа кандидатқа берген пікіріңіз оларды судья лауазымына іріктеу барысында ескерілетін болады.

Келтірілген пікірлерді Нұр-Сұлтан қаласы, Сауран көшесі, 32, мекен-жайы бойынша Нұр-Сұлтан қаласының сотына немесе                     Нұр-Сұлтан қаласының сотының 0101@sud.kz  электронды поштасына жолдауға болады.

Облыстық және оған теңестірілген соттардың алқа төрағалары мен судьяларының, аудандық және оған теңестірілген соттардың төрағалары мен судьяларының бос орындарына конкурсқа қатысуға құжаттар тапсырған кандидаттардың

ТІЗІМІ