ПАНДЕМИЯНЫҢ ЕКІНШІ ТОЛҚЫНЫ ЖАҒДАЙЫНДА АҚТӨБЕЛІК АУРУХАНАЛАРДЫҢ ДАЙЫНДЫҒЫ ТУРАЛЫ
Ағымдағы жылдың 22 қазан күні Ақтөбе облысы бойынша Сыбайлас жемқорлыққа қарсы Департамент және «Ақтөбе – адалдық алаңы» жобалық кеңсесінің өкілдері аурухана – емханалардың пандемияның екінші толқыны жағдайындағы дайындық барысына мониторинг жұмыстарын жүргізді.
Жұмыс тобы алғашқы болып Ақтөбе медицина орталығында болды. Медицина орталығының қоймасын көріп, дәрі-дәрмектер қорының жағдайымен танысты. Мәселен, «СК – Фармация» екі айлық қоры есебінде сатып алған 37 түрлі дәрілердің барлығы бүгінгі күні қаладағы ауруханалардың қоймасында болуы қажет.
Алайда мониторинг барысында медицина орталығының қоймасында 8 түрлі дәрілердің жоқтығы анықталды. Атап айтсак, Цефтазидим, Имипинем, Фамотидин, Магния сульфат, Ибупрофен, Тоцилизумаб, Хлоропирамин, моксифлоксацин.
Келесі кезекте облыстық инфекциялық ауруханасының жағдайымен танысты. Аталмыш аурухананың дәрілер қоймасында 37 атаудың 6 түрі анықталмады. Нақтырақ айтқанда, Надропарин, Фамотидин, Допамин, Амоксициллин, Эноксапарин, Тоцилизумаб.
Үшінші кезекте мониторинг тобы Ақтөбе облыстық фтизиопульмонология орталығында болды. Бұл жердегі дәріхана қоймасында 37 атаудың 2 түрі жоқ болып шықты. Олар: Ремдесивир және Тоцилизумаб препараттары.
Екінші жұмыс тобы Қарғалы қалалық ауруханасында мониторинг жұмыстарын жалғастырды. Бұл жердегі дәріханада белгіленген тізімдегі дәрі-дәрмектердің 9 түрі жоқ. Олар: Цефуроксим, Имипенем-Циластатин, Надропарин,Хлоропирамин,Ванкомицин,Дексмедетомидин, Моксифлоксацин, Ремдесивир, Тоцилизумаб.
Жобалық кеңсенің аталмыш бағыт бойынша атқарған жұмыстары республикалық «31 телеарнасы», облыстық «Aqtobe» және қалалық «Рика» телеарнасының жаңалықтарында жарық көреді. Сонымен қатар адалдық алаңының instagram желісінің ресми парақшасының тікелей эфирінде түсірілді: https://instagram.com/aqtobe_adaldyq_alany?igshid=1ukisz7ysltdw
«Ақтөбе – адалдық алаңы» жобалық кеңсесінің баспасөз қызметі
[xfvalue_img]
