«ANTIKOR.LIVE»: Қазақстанның халықаралық сыбайлас жемқорлық индексіндегі рейтингі
«ANTIKOR.LIVE» жобасы аясында ШҚО сыбайлас жемқорлыққа қарсы қызмет департаменті басшысының бірінші орынбасары Жігер Байділдин тікелей эфир өткізіп, сыбайлас жемқорлыққа қарсы іс-қимыл мәселелері бойынша халықаралық рейтингтердегі Қазақстанның негізгі көрсеткіштерімен таныстырды.
Сонымен, спикер атап өткендей, өткізілген кешенді сыбайлас жемқорлыққа қарсы шаралардың нәтижесінде Қазақстан алғаш рет сыбайлас жемқорлықты түйсіну индексінде 34 балл жинап, рейтингте 11 тармаққа (124-тен 113-ке) көтерілді.
Сондай-ақ, Жігер Байділдин Дүниежүзілік Банктің 214 елді бағалайтын «Мемлекеттік басқару индикаторлары» атты (Worldwide Governance Indicators) жыл сайынғы зерттеулері шеңберінде, Қазақстан
«Сыбайлас жемқорлықты бақылау» индикаторы бойынша айтарлықтай ілгерілеушілікке қол жеткізгенін хабарлады.
1996 жылы «Сыбайлас жемқорлықты бақылау» индикаторын өлшеу басталған сәттен бастап, Қазақстанның осы рейтингте болған барлық уақытында жоғарылауы айтарлықтай және ең жақсы нәтижеге тек 2019 жылы қол жеткізілді. Пайыздық дәрежесі 36,06% -ды құрады, бұл алдыңғы көрсеткіштен екі есеге артық.
ШҚО сыбайлас жемқорлыққа қарсы қызмет департаменті басшысының бірінші орынбасарының айтуынша, IMD (World Competitiveness Ranking) бәсекеге қабілеттіліктің әлемдік рейтингісінде Қазақстан 4 орынға көтеріліп, 63 елдің ішінде 34 орынға ие болды. Бұл, көбінесе, «парақорлық және сыбайлас жемқорлық» индикаторы бойынша елдің позициясын айтарлықтай жақсартудың арқасында мүмкін болды – 2018 жылмен салыстырғанда, 29 орын және оған қоса 10 позиция жоғары (2018 жылы 3,43 балмен салыстырғанда 10-нан 4,28 балл).
[xfvalue_img]
