Кәсіпкерлікті дамыту және мемлекеттік қолдау шаралары

Жыл сайын елорданың шағын және орта бизнесі қарқынды дамып келеді және өткен жылдың аяғында экономиканың құрылымында ШОБ үлесі тұрғысынан Астана еліміздің өңірлері арасында бірінші болды. 2018 жылдың 9 айы бойынша 61% -ды құрады, бұл 2017 жылғы сәйкес мерзімімен (41,5%) салыстырғанда 19,5% -ға өсті.

Осылайша, Астана – Мемлекет басшысының ШОБ ЖӨӨ үлесін 2050 жылға дейін 50%-ға жеткізу тапсырмасын мерзімінен бұрын орындаған елдегі жалғыз қала-аймақ.

Бұл елордада жеке бизнес құру үшін тартымды климаттың құрылғанын көрсетеді.

Өз кезегінде әкімдік бизнес-процедуралардың барлық түрлерін мүмкіндігінше жеңілдетуге тырысады.

Мысалы, былтырғы жылы Астана қаласының Инвестициялар және кәсіпкерлікті дамыту басқармасы (бұдан әрі – Басқарма) Халықаралық Bitfury компаниясымен бірлесіп пилоттық жобаны жүзеге асыруды келісті.

«1000 орын - көше саудасы» қалалық бағдарламасының шеңберінде жер телімдерін бөлу бойынша аукциондарда технологияны енгізу туралы шешім қабылданды.

Егер бұрын аукцион «адамдар қатысуымен» өтіп, кәсіперлерге қолайсыздық туғызатын, қазір барлығы онлайн режимінде өтеді. Тіркелу, кепілдікті төлеу, тіпті аукционға қатысу смартфоннан да жетімді. Сауда-саттықты қалаған адам кез келген уақытта қарай алады.

Блокчейнді енгізу процесті толығымен ашық етіп жасады.

Барлық ставкалар мен аукционның нәтижелері ҚРММ Құқықтық статистика жəне арнайы есепке алу комитеті тарапынан тексерілуде жəне ONLINE растау үшін http://qamqor.gov.kz/adalauction мекен-жайы бойынша қол жетімді

2018 жылдың қорытындылары бойынша Астанада 13 мыңнан астам кәсіпкерлік субъектілері тіркелген. Олардың жұмысы өнім өндіруді 21,9% -дан астам өсіріп, 3,5 трлн. теңгені құрады (2018 жылғы қаңтар-қыркүйек).

Шағын және орта бизнеспен өндірілген жалпы өңірлік өнімнің салалық құрылымында негізгі үлесін көтерме және бөлшек сауда (30,2%) алады. Бұдан басқа жылжымайтын мүлікпен операциялар (15,6%), кәсіби, ғылыми және техникалық қызмет (13,4%), көлік және қоймалау (9,9%), басқа да қызметтер көрсету (6,8%), ақпарат және байланыс (6,3%), білім беру, денсаулық сақтау және т.б. сияқты салалар орналасқан

Қызмет ететін субъектілерінің саны 2019 жылғы 1 қаңтарда 125 мыңнан астам бірлік құрады, бұл өткен жылдың сәйкес мерзімімен салыстырғанда 28,2 %-ға өсті.

Жұмыс істейтін бес азаматтың үшіншісі ШОБ саласында жұмыс істейді, бұл 2017 жылғы сәйкес кезеңімен салыстырғанда 21,9% -ға артты, яғни 342 мың адамды құрады (2018 жылғы 1 қазан бойынша).

Көбінде мемлекеттік қолдау құралдары азаматтарға бәсекеге қабілетті бизнес-ортаны құруға көмектеседі.

Астанадағы «Даму» қорының аймақтық филиалының директоры Абдолла Нұрсұлтан Аристатлұлының сөзі бойынша, 2010 жылдан бастап «Бизнестің жол картасы-2020» бизнесті қолдау мен дамытудың мемлкеттік бағдарламасы жүзеге асырылып, аталған бағдарлама шеңберінде 765 жоба бойынша 20,5 млрд. теңге көлемінде субсидия төленіп, 348 жоба бойынша 7,3 млрд. теңге көлемінде кепілдеме берілді.

Нәтижелі жұмыспен қамтуды және жаппай кәсіпкерлікті дамытудың  2017-2021 жылдарға арналған «Еңбек» мемлекеттік бағдарламасы бойынша шағын кәсіпкерлік субъектілерін микрокредиттеу бойынша жалпы сомасы 862,9 млн. теңгені құрайтын 71 жоба қаржыландырылды.

Кредиттік ресурстардың қолжетімділігін арттыру мақсатында «Даму» Кәсіпкерлікті дамыту қоры»АҚ-мен бірге 2015 жылдан бастап 5 жергілікті бағдарлама іске асырылуда: «Астана Бизнес», «Astana ZhasStart», «Astana StartUp», «Astana Service», «Astana Retail». Іске асыру басталған сәттен бастап 7,5 млрд. теңгеге 167 жоба қолдауға ие болды.

Бұл бағдарламалардың операторы банктерде, микроқаржылық ұйымдарда және лизингтік компанияларда жеке кәсіпкерлерді несиелеу үшін қаражаттарды орналастыруға байланысты «Даму» қоры болып табылады.

Астана берілген несиелер бойынша бірінші жетекші үш аймақтың қатарына кіреді.

Өндірістік жобалар бойынша несиенің максималды сомасы - 1,85 млрд. теңге, қаржыландыру мерзімі 10 жылға дейін, пайыздық мөлшерлеме жылына 6 %-дан көп емес.

Аймақтық бағдарламалар бойынша қаржыландыру мерзімі 7 жылға дейін, пайыздық мөлшерлеме жылына 8,5 % -ға дейін.

Ағымдағы жылы Астана қаласының әкімдігі "Даму" Қорымен бірлесіп "Астана Бизнес 2" бағдарламасын іске қосты, оны іске асыру үшін 1,5 млрд.теңге бөлінді, оның ішінде Астана қаласының әкімдігі – 500 млн. теңге және "Даму" Қоры - 1 млрд. теңге бөлді. Бұл бағдарламаның салалық шектеулері жоқ, кредиттің ең жоғары сомасы: ісін жаңа бастаған кәсіпкерлер үшін-50 млн. теңге; жұмыс істеп тұрған кәсіпкерлер үшін-100 млн.теңге, қаржыландыру мерзімі 7 жылға дейін, сыйақы мөлшерлемесі 8,5%. Қазіргі уақытта, 600 млн. теңге Қазақстанның Халық Банкінде орналастырылған және ВТБ мен Сбербанкке ақша қаражатын орналастыру бойынша жұмыстар жүргізілуде.

Бағдарламаларды жүзеге асырудың әлеуметтік-экономикалық әсері болып бүгінгі таңда 9 мыңнан астам жұмыс орындарының сақталуы және қазіргі уақытта 6 300-ден астам жаңа жұмыс орындарының құрылуы, 25 млрд. теңгені құрайтын бюджетке салықтық аударымдар болып табылады.

Сонымен қатар, Астана қаласының Өңірлік кәсіпкерлер палатасы «Бизнестің жол картасы-2020» бағдарламасы аясында ШОБ-қа қаржылық емес қолдау көрсетіледі.

Осы бағыт аясында кәсіпкерлік субъектілеріне және кәсіпкерлік бастамасы бар азаматтарға келесі функционалдық бағыттар бойынша бар мемлекеттік қаржылық емес қолдау көрсету қарастырылған:

1) кәсіпкерлікті ақпаратпен қолдау;

2) кәсіпкерлердің құзыреттілігін арттыру;

3) кәсіпкерлердің өнімділігін арттыру;

4) бизнесті кеңейту.

2018 жылы сервистік қызмет шеңберінде бухгалтерлік есеп, құқықтық, маркетингтік зерттеулер және т.б. сияқты 8 бағыты бойынша: 4 287 консалтингтік қызмет,  оның ішінде  1770 әйел кәсіпкерлеріне көрсетілді.

Бизнес мектебінің аясында кәсіпкерлік негіздер бойынша 1 898 тыңдаушы, соның ішінде 1119 әйел оқытылды.

Жобалық оқыту бойынша 118 тыңдаушы, оның ішінде 84 әйел оқытылды.

Сондай-ақ, Палата «Бизнестің жол картасы-2020» бағдарламасының шеңберінде келесі компоненттердің операторы болып табылады: «Аға сеньорлар», «Іскерлік байланыстар».

Бизнес-тренингке және шетелде тәжірибе алу үшін қатысу тегін.

Сондай-ақ, Басқарманың  Астана қаласының Кәсіпкерлік палатасымен және «Даму» кәсіпкерлікті дамыту қоры» АҚ-мен бірлесіп өткізетін Кәсіпкерлікті дамыту бойынша 2019 жылға арналған іс-шаралар жоспарына қол қойылған.

Астана қаласы әкімінің баспасөз қызметі