Ақтөбеде түзеу мекемесі жанындағы кешкі мектептің ұстаздарын мерейлі 60 жасымен құттықтады
Түзеу мекемелеріндегі жазасын өтеуші сотталғандардың бостандықта аяқтаусыз қалдырған білімдерін жалғастырып, толық орта білім алуына мүмкіндік сыйлайтын мекеме жанындағы кешкі (ауысымдағы) жалпы білім беретін мектептердегі ұстаздардың еңбегі орасан зор.
Кеше, Ақтөбе облысы бойынша ҚАЖ департаментіне қарасты КА- 168/2 түзеу мекемесінің жанындағы кешкі ауысымда жалпы білім беретін мектептің әкімшілігі және Кәсіподақ комитеті аталған кешкі мектепте 10 жылдан астам еңбек етіп келетін орыс тілі мен әдебиеті пәнінің мұғалімі - Сабирова Фарида Ермекбайқызын және химия пәнінің мұғалімі - Елемесова Феризат Балдайкенқызын 60 жасқа толу мерейтойларына арналған шығармашылық кеш ұйымдастырды.
КА- 168/2 мекеме қызметкерлері, ұжымдастары және туыстарымен бірге мерейтойы иелерін құттықтаған Ақтөбе облысы бойынша ҚАЖ Департаментінің ардагерлер кеңесінің төрағасы Сақыткерей Баймағанбетов, мерейтой иелерін атаулы қуанышты тойларымен құттықтап, отбасыларына амандық, еңбектеріне жеміс тіледі. Сонымен қатар, аталған департаменттің сотталған арасында әлеуметтік- психологиялық және тәрбие жұмыс бойынша тобының бас маманы әділет майоры Руслан Тулегенов, шығармашылық кешінің иелеріне ҚАЖ департаменті бастығының атынан құттықтау хат табыстап, толағай табыстар тіледі.
Сонымен қатар, іс- шара барысында мерейтой иелері Фарида Ермекбайқызын мен Феризат Балдайкенқызына арнап немерелері ән шырқап көтеріңкі көңіл- күй сыйласа, шетелде білім алып жатқан туыстарының балалары құттықтауларын жолдады.
Жалпы педагогикалық еңбек өтілі - 40 жыл кешкі ауысымдағы жалпы білім беретін мектептің ұстаздары: мерейтой иелері Фарида Ермекбайқызы мен Феризат Балдайкенқызын мекеме әкімшілігі және ұжымдастары жоғары дәрежелі, жаңашыл, сабырлы, адамгершілігі мол, қоғамдық жұмыстарға белсене араласатын ізгі жандар деп таниды.
Өз кезегінде, нәзік жанды бола тұра осынау жауапкершілігі зор жұмысты аса жоғары жауапкершілікпен атқарып келетін мерейтой иелерінің отбасыларына амандық, еңбектеріне табыс пен жақсылықтар тілейміз!
Гүлфайруз Төремұратова,
Ақтөбе облысы бойынша ҚАЖ департаментінің баспасөз хатшысы,
Фото: Ақтөбе облысы бойынша ҚАЖД.
[xfvalue_img]
1 пікір