«Қызылжар су» ЖШС комплаенс-қызметі өз тәжірибесімен бөлісті
Солтүстік Қазақстан облысының Сыбайлас жемқорлыққа қарсы қызмет өкілдері «Қызылжар су» ЖШС басшылығымен кездесуі өткізіп, онда кәсіпорынның Комплаенс-қызметі жұмысының қорытындыларын тыңдады.
Сыбайлас жемқорлыққа қарсы қызмет басшысының бірінші орынбасары Нұрлан Жахин кіріспе сөзінде Қазақстанда заңнамалық деңгейде анықталған сыбайлас жемқорлыққа қарсы комплаенстің өзектілігі мен маңыздылығын атап өтті.
«Азаматтар үшін таза ауыз су жеткізушісі болып табылатын «Қызылжар су» серіктестігінің комплаенс-қызметінің жұмысын талдай отырып, персоналды басқару мәселелерінде, азаматтармен өзара іс-қимыл кезінде бизнес-процестерді цифрландыру мәселелерінде сыбайлас жемқорлық тәуекелдерін болдырмауда оң жетістіктерді атап өткен жөн», - деп атап өтті ол.
Жиын барысында комплаенс-қызметінің басшысы Мария Дзятко ұйым қызметіндегі сыбайлас жемқорлық тәуекелдерін болдырмау жөніндегі жұмыс нәтижелері туралы егжей-тегжейлі баяндады, олардың ішінде қызметкерлердің еңбегіне ақы төлеу кезінде басшылықтың дискрециялық өкілеттіктері болды.
«Сыбайлас жемқорлық тәуекелдеріне ішкі талдау жүргізілгеннен кейін, белгілі бір адамдарға артық сыйақы беру фактілерін болдырмау үшін марапаттау мәселелерін қарау туралы Ереже әзірленді, сондай-ақ кәсіпорын қызметкерлері мен бөлімшелерінің басшыларынан, сондай-ақ жұртшылық өкілдерінен тұратын арнайы комиссия құрылды. Техникалық шарттарды өзгерту туралы өтініштер азаматтардың қызметкерлермен жеке байланысын қоспағанда, толығымен электронды форматқа ауыстырылды», - деді Мария Дзятко.
Сыбайлас жемқорлыққа қарсы іс-қимыл туралы заңнамадағы өзгерістерге сәйкес квазимемлекеттік және жеке сектор ұйымдарында корпоративтік адалдық стандарттарын сақтауға жауапты сыбайлас жемқорлыққа қарсы комплаенс-қызметтер институты енгізілді. Бұл норма квазимемлекеттік сектор субъектілері үшін міндетті.
Сыбайлас жемқорлыққа қарсы қызметтің қағидатты ұстанымы комплаенс бөлімшелерінің тиімді қызметі болып табылады.
Қазіргі таңда облыс ұйымдарында 190 комплаенс офицер жұмыс істейді.
«Алайда, бұл бағыттың рөлі мен маңыздылығын әлі де түсіне бермейді. Біз уәкілетті орган ретінде әдістемелік көмекті үйлестіріп, көрсететін боламыз. Біз сыбайлас жемқорлық тәуекелдерін анықтау және жою бойынша тиімді жұмысты талап етеміз», - деп қорытындылады Жахин.
[xfvalue_img]
15 пікір