Мемлекеттік қызмет көрсету кезіндегі проблемалық мәселелер талқыланды

Мемлекеттік қызмет көрсету жөніндегі Ведомствоаралық тобыңың кезекті отырысы онлайн режимінде өткізілді.

Департаменттің мемлекеттік қызмет көрсету басқармасының басшысы Аягоз Мусапирова айтқандай, көретілетін мемлекеттік қызметтер сапасына ішкі бақылау бойынша  есептерді талдау барысында Павлодар және Екібастұз қалалар әкімдері аппараттарымен «Некені (ерлі-зайыптылықты) бұзуды тіркеу, оның ішінде азаматтық хал актілері жазбаларына өзгерістер, толықтырулар мен түзетулер енгізу» мемлекеттік қызмет көрсету кезінде пайда болатын проблемалық мәселелер туралы сұрақ көтерілді.

Сот органдары АХАТ бөлімдерінің атына некені бұзу туралы өтініштерді онлайн форматында да жолдау туралы түсіндіру жұмыстардың жеткіліксіздігін көрсетіп, наразылық талап қоюда. Соттың пікірі бойынша некені бұзу материалдары кәмелетке толмаған балалар және басқа да даулары болмаса көбінесе тіркеу органдарда қаралатыны жөн. Дегенмен, АХАТ бөлімдері Қағидалардың 18-қосымшасына сәйкес ерлі-зайыптың біреуі болмаған жағдайда бұл қызметті көрсетуге құқығы жоқ.

«Біздің пікірімізше, неке – отбасы қатынастар туралы заңнамасына өзгерістер енгізу қажеттілігі туындайды деп санаймыз» - деді Аягоз Мусапирова.

Сонымен қатар, отырыста білім беру және тұрғын үй-коммуналдық шаруашылығы саласындағы мемлекеттік қызметтер мәселелері де қаралды.

«АХАТ жүйесінде проблемалық мәселелер бойынша Әділет департаментіне АХАТ қызметін ұйымдастыру бойынша механизмдерді әзірлеуді ұсынамыз, ал Мемлекеттік қызмет көрсету басқармасына – НҚА өзгерістерді енгізу бойынша тиісті ұсыныстарды жолдауды тапсырамын», - қорытындылады Мемлекеттік қызмет істері департаментінің басшысы Ержан Қарымсақов.

Білім беру саласында «Sitcen» АЖ жұмыс істейтін мектептермен «Білім беру ұйымдарына құжаттарды қабылдау және оқуға қабылдау» қызметін көрсету тәртібін түсіндіру бойынша оқыту семинар өткізіп, ҚР БҒМ «Sitcen» АЖ пайда болатын проблемалар туралы тиісті ұсыныстарды жолдау ұсынылды.

Сонымен қатар, қызмет берушілерге қызмет алушыларға арналған көрсетілетін мемлекеттік қызметтерді алу тәртібі бойынша тұрақты түрде түсіндіру жұмыстарды жүргізілуі тиіс.

ҚР Мемлекеттік қызмет істері Агенттігі Павлодар облысы бойынша департаментінің баспасөз қызметі