ЖАЛПЫ БІЛІМ БЕРЕТІН ПӘНДЕР БОЙЫНША РЕСПУБЛИКАЛЫҚ ОЛИМПИАДАНЫҢ ҚОРЫТЫНДЫ КЕЗЕҢІ
«Шығыс - Адалдық алаңы» жобалық кеңсесінің өкілдері Өскемен және Семей қалаларында U-Study базасында «Дарын» республикалық ғылыми-практикалық орталығы» РМҚК ұйымдастырған жалпы білім беретін пәндер бойынша Республикалық олимпиадаға бақылаушы ретінде қатысты.
ҚР Білім және ғылым министрінің 2021 жылғы 1 ақпандағы № 45 2020-2021 оқу жылында жалпы білім беретін пәндер бойынша «республикалық олимпиадалардың екінші, үшінші және төртінші кезеңдерін өткізу туралы» бұйрығымен жалпы білім беретін пәндер бойынша Олимпиаданың төртінші кезеңі 2021 жылғы 25-30 сәуір аралығында облыс орталықтарында, Нұр-Сұлтан, Алматы және Шымкент қалаларының U-Study базасында барлық санитариялық-эпидемиологиялық нормаларды сақтай отырып өткізіледі.
Олимпиаданың негізгі мақсаттары мен міндеттері - шығармашылық қабілеттерді дамыту, теориялық білім мен практикалық дағдыларды тереңдету, жеке тұлғаның өзін-өзі танытуына ықпал ету, дарынды балаларды анықтау үшін жағдай жасау, білім алушыларды халықаралық олимпиадаларға қатысуға іріктеу және дайындау және Қазақстан Республикасында білім берудің беделін арттыру.
Барынша ашықтықты қамтамасыз ету, сондай-ақ білім беру саласындағы сыбайлас жемқорлық тәуекелдерін болдырмау мақсатында жобалық кеңсенің өкілдері бақылаушылар тізіміне енгізілді.
Егер сіз қандай да бір кедергілерге тап болсаңыз және тұрмыстық сыбайлас жемқорлық салдарының куәгері болсаңыз, міндетті түрде кез келген уақытта әлеуметтік желідегі жобалық кеңсенің ресми парақшаларына немесе Агенттіктің 1424 бірыңғай нөміріне хабарласа аласыз.
[xfvalue_img]
