Мамлют қаласының кітапханасында «Парасат жолы» орталығы ашылды
Өңірде барлығы 15-і ашылды, оның 13-і облыс аудандарында. Орталықтың ашылуына Солтүстік Қазақстан облысы бойынша Сыбайлас жемқорлыққа қарсы іс-қимыл департаментінің басшысы Жарқын Ғалымов және ауданның зиялы қауымы қатысты.
Сыбайлас жемқорлыққа қарсы ведомствода хабарлағандай, орталық әрбір адам сыбайлас жемқорлыққа қарсы шараларды әзірлеуге қатыса алатын ашық алаңға айналады. Сондай-ақ, «Қызылжар – адалдық алаңы» жобасы аясында Орталық сыбайлас жемқорлыққа қарсы мәдениетті қалыптастыру бойынша ақпараттық, профилактикалық жұмыстар жүргізетін болады.
Сонымен қатар, жұмыс сапары барысында Жарқын Ғалымов «Ашық әкімдік» фронт-кеңсесінде азаматтарды жеке қабылдады, Халыққа қызмет көрсету орталығының филиалына барды, жаңадан тұрғызылған хоккей кортымен танысып, аудан активімен кездесті, онда қоғамдық бақылауды күшейтуге назар аударды.
«Мамлют ауданында өткен жылы мемлекеттік әлеуметтік тапсырыс аясында сыбайлас жемқорлыққа қарсы тақырып бойынша 140 мың теңге бөлінді. Алайда барлық бөлінген қаражат бір семинар өткізуге жұмсалды. Ал аталған семинарларды Департамент қызметкерлері тегін және тұрақты негізде өткізетінін ескере отырып, қосымша қаражат бөлуді орынсыз деп санаймын», - деді Жарқын Ғалымов.
Басшы атап өткендей, «азаматтар – біздің басты клиенттеріміз, сондықтан біздің әрекеттеріміз қоғамға ашық болуы керек». Осыған байланысты аудан әкіміне «Қызылжар – адалдық алаңы» жобасына жауапты тұлғаны қайта қарау ұсынылды.
«Жоба тұжырымдамасы бойынша бұл белсенді азаматтық ұстанымы бар қоғамшыл тұлға болуы тиіс. Қазіргі уақытта жобаны жүзеге асыру мемлекеттік құқық бөлімінің маманына жүктелген», - деп атап өтті Ғалымов.
[xfvalue_img]
