Алматы қаласының жарты миллионнан астам тұрғынына көлік салығы есептелді
2025 жылға арналған салықты төлеу мерзімі - 2026 жылғы 1 сәуірге дейін, деп хабарлайды Алматы қаласы Мемлекеттік кірістер департаментінің баспасөз қызметі.
Салық уақытында төленбеген жағдайда өсімпұл есептеледі, ал материалдар атқарушылық органдарға жолданады. Жеке атқарушылар өз қызметі үшін қосымша төлем өндіре алады, ол қарыз сомасының 25%-ына дейін болуы мүмкін.
Алматы қаласы Мемлекеттік кірістер органдары жеке тұлғалардың көлік құралдарына салық есептеулерін жүргізеді. Есептеу әр көлік құралы бойынша уәкілетті органдардан алынған мәліметтер негізінде жүзеге асырылады.
Алдын ала есептеулер бойынша салық 479 671 салық төлеушіге 807 275 көлік құралы үшін есептеледі.
Алматы қаласы МКД көлік салығын төлеу бойынша салық міндеттемелерін уақытында орындауды ұсынады.
Көлік салығын есептеу жүзеге асырылады:
- e-Salyq Azamat мобильді қосымшасындағы калькулятор сервисі арқылы;
- Қазақстан Республикасы Мемлекеттік кірістер комитеті ресми сайтында (kgd.gov.kz);
- Қазақстан Республикасының Электрондық үкіметі (eGov.kz) порталында.
Көлік салығын төлеу жүзеге асырылады:
- екінші деңгейлі банктердің мобильді қосымшалары арқылы;
- e-Salyq Azamat мобильді қосымшасы арқылы;
- банктер бөлімшелері мен төлем терминалдары арқылы.
Барлық сұрақтар бойынша салық төлеушілер 1414 байланыс орталығына немесе тұратын жері бойынша Мемлекеттік кірістер басқармасына хабарласа алады.
[xfvalue_img]
