Профилактикаға басымдық — СҚО-да полицейлер ҚР Президентінің бағдарламалық сөзін талқылады
Қазақстан Республикасы Президенті Қасым-Жомарт Тоқаев Ұлттық құрылтайдың V отырысында сөйлеген сөзінде ішкі істер органдары қызметкерлерінің рөліне ерекше тоқталып, олардың халық алдында мемлекеттің тікелей өкілі екенін атап өтті. Алдағы реформалар аясында полиция қызметі үшін басты бағдар — «Заң мен Тәртіп» қағидаты болып қала береді.
Президенттің бағдарламалық сөзіндегі осы және өзге де негізгі тұжырымдарды Солтүстік Қазақстан облысы полиция департаменті бастығының орынбасары Абылғазы Ғабдуллин жауынгерлік және қызметтік даярлық сабақтары барысында жеке құрамға түсіндіруде.
Сонымен қатар ұлт сапасын жаңғыртуға бағытталған әлеуметтік-құндылықтық күн тәртібінің маңызы атап өтілді. Атап айтқанда, «Адал азамат» идеологиясын ілгерілету, лудомания, нашақорлық және тұрмыстық зорлық-зомбылық секілді әлеуметтік кеселдермен күресті күшейту мәселелері көтерілді.
Полиция полковнигі Ғабдуллиннің айтуынша, Президент тапсырмалары аясында қызметтік тәртіп бұзушылықтарға қарсы ымырасыз күрес жүргізу, қылмыстарға тек ден қоюмен шектелмей, олардың алдын алуға басымдық беру — полиция жұмысының негізгі бағыттарының бірі болып айқындалды.
Игорь Мерцалов
СҚО ПД баспасөз қызметі
[xfvalue_img]
