Сот органдарының жұмысын бағалаудың жаңа жүйесі.
Жоғарғы Соттың бастамасымен «Цифрлық агент» (Digital agent) қосымшалары енгізілді. «Цифрлық агент» (Digital agent) мобилді қосымшасы іске қосылғалы сот органдарының жұмыс сапасын саралауға жол ашты. Пайдаланушылар «Play Market» және «App Store» сервистік бағдарламалары арқылы мобильді қосымшаны жүктеп, орнатылғаннан кейін тіркеуден өту
Енді азаматтар осы мобильдік қосымшаның көмегімен қолайлылық, сервис, рәсімдер мен персонал өлшемшарттары бойынша еліміздің 370 сот органының жұмысына өзінің бағасын бере алады. Міне осылайша, соттың жұмысына разы болмаған кез келген адам шағымын «Цифрлық агент» бойынша соттың лауазымды адамына хабарлап, өзінің проблемасын қысқа мерзімнің ішінде шешетін болады. Ол фойеның жағдайынан бастап сот актілерінің сапалы түсіндірілуіне дейін сот әкімшілігі мәселелері бойынша баға бере алады. Осы мақсатта «Цифрлық агент» (Digital agent) мобилді қосымшасын іске қосқан болатын. Бұл құрылғы қазір тұрғындар арасында кеңінен насихатталуда. Ұялы телефонға жүктелетін арнайы бағдарлама арқылы кез келген уақытта өтініш, талап-тілек білдіруге болады. Адамдар да бағдарламаны қолдануға жылдам бейімделуде. Аталған мобильдік қосымшаның артықшылығы қызмет алушылар шынайы уақытпен мемлекеттік қызмет көрсету сапасына баға беруге мүмкіндіктері бар. Мемлекеттік қызмет көрсету сапасын бағалау 5 балдық шкала бойынша жүргізіледі. Бұл қосымшада біз статистиканы көре аламыз немесе еліміздің кез келген мемлекеттік мекемесін бағалай аламыз.
Қазіргі таңда «Цифрлық агент» (Digital agent) қосымшасы электрондық және мобильді үкімет жүйесін жетілдіріп, мемлекеттік қызметтерді көрсету саласын оңтайландырып отыр. Жоба азаматтардың сот қызметіне қанағаттануына және олардың сотқа деген сенімін арттыруға бағытталған.
Батыс Қазақстан облысының мамандандырылған ауданаралық экономикалық сотына 2020 жылының қаңтарынан бастап «Цифрлық агент» (Digital agent) мобилді қосымшасы арқылы 6 қолданушыдан оң баға алынған. Жұртшылықтың сотқа деген сенімін одан сайын арттыру мақсатында осы бағыттағы жұмыстар алдағы уақытта да жалғасын табуы тиіс.
Ж.Г.Есенов
БҚО МАЭСотының
кеңсе меңгерушісі
[xfvalue_img]
