Медиация татулықты көздейді
Мұғалжар аудандық сотымен медиация институтын көпшілікке түсіндіру, ақпараттандыру шаралары тұрақты түрде жүргізіліп келеді. Сот отырыстарында тараптарға олардың дауды медиация тәртібімен реттеу құқықтары түсіндіріледі. Осындай шаралардың нәтижесінде, аудандық сотта күнделікті азаматтық, қылмыстық және әкімшілік істер өндірістен медиация тәртібімен тоқтатылып жатады.
Мәселен, Мұғалжар аудандық сотында некені бұзу туралы азаматтық ісі қаралды. Талап қоюшы жауапкермен 2005 жылдан бері заңды некеде тұратынын, ортақ некеден кәмелетке толмаған бір баласының барын, бүгінде бір-бірінен бөлек тұратынын, отбасын сақтап қалудың мүмкін еместігін көрсетіп, араларындағы некені бұзуды сұраған.
Істі сот талқылауына дайындау барысында, сотпен тараптарға отбасылық дауды татуластыру рәсімдері арқылы шешу құқықтары түсіндірілген. Тараптар дауды медиация арқылы шешуге бел буып, нәтижесінде олар, отбасылық қарым-қатынасты сақтап қалу жөнінде медиативтік келісім жасасқан.
Сот ұйғарымымен келісім бекітіліп, азаматтық іс өндірістен тоқтатылды.
А.Шекенова
Мұғалжар аудандық сотының бас маманы
[xfvalue_img]
22 пікір