Облыстық сот төрағасы Бек Әметов ҚАЗИжТЖУ студенттеріне арнап дәріс оқыды
Батыс Қазақстан облыстық сотының төрағасы Бек Әметов ҚАЗИИТУ студенттеріне «Сот жүйесін реформалау» тақырыбында дәріс оқыды. Дәріске оқу орнының оқытушылық құрамы мен 200-ден астам студенттер қауымы қатысты.
Лектор өз сөзінде елдегі заңнамалық деңгейде сот жүйесін реформалаумен байланысты барлық жаңалықтардың толығымен іске қосылғанын атап өтті. Ол пилоттық жобаларды іске асыру туралы, сот төрелігінің 7 түйіні, медиация, Билер кеңесін құру туралы және басқа да жүзеге асырылып жатырған жобалар туралы айтып өтті.
Дәріс соңында облыстық сот төрағасы студенттердің сұрақтарына жауап беріп, мазмұнды кездесу үшін алғысын білдіріп, оларға қызметке орналасуда сәттілік тіледі.
Қанатбаева Н
Батыс Қазақстан облысы бойынша Соттар Әкімшісінің ақпараттық қамтамасыз ету бөлімінің бас маманы-баспасөз қызметінің маманы
[xfvalue_img]
