Мұғалжар аудандық сотында сыбайлас жемқорлықтың алдын алу сұрақтары талқыланды
Мұғалжар аудандық сотының төрағасы А.Т.Анарбаев судьялар, кеңсе меңгерушісі мен мамандардың қатысуымен сыбайлас жемқорлық құқық бұзушылықтарын алдын алу сұрақтары бойынша жедел кеңес өткізді.
Жедел кеңес барысында сот төрағасы Абитхан Анарбаев 2015-2025 жылдарға арналған сыбайлас жемқорлыққа қарсы іс-қимыл бағдарламасының негізгі бағыттарына назар аударды. Төраға «Сыбайлас жемқорлыққа қарсы іс-қимыл туралы» ҚР Заңы нормаларына тоқталып, сыбайлас жемқорлық мемлекеттік басқарудың тиімділігін, еліміздің инвестициялық тартымдылығын төмендетіп, әлеуметтік-экономикалық дамуына кедергі келтіретінін атап өтті.
Төраға еңбек тәртібін сақтау және соттардағы бақылау-өткізу режимін күшейту мәселелеріне тоқталып өтті.
Қорытындылай келе, аудандық сот төрағасы судьялар мен мамандарға қойылатын жоғары әдеп талаптары және сот органдарының сыбайлас жемқорлықпен күресудегі рөлі жөнінде айтып берді.
Мұғалжар аудандық соты Ақтөбе облысы
[xfvalue_img]
