Маңғыстаулық судьялар Парламент депутаттарымен кездесті
Маңғыстау облыстық сотында Парламент Мәжілісінің депутаттары Евгений Козлов және Михаил Чирковпен судьялардың кездесуі өтті.
Айта кету керек, Евгений Козлов 2008 жылдың мамырынан 2016 жылдың қаңтарына дейін Шығыс Қазақстан облыстық сотының судьясы болып қызмет атқарған және ол соттарда цифрлық технологияларды кеңінен қолдану, халықтың сотқа деген сенімін барынша арттыру, сот талқылауының ашықтығын қамтамасыз ету жұмыстарына оң пікір білдірді. Сондай-ақ, заң шығару және қабылдаудың кейбір күрделі мәселелеріне тоқталып, судьялардың ұсыныстарын тыңдауға әзір екендігін жеткізді.
Кездесу барысында депутаттар Елбасының «Қазақстандықтардың әл-ауқатының өсуі: табыс пен тұрмыс сапасын арттыру» атты 2018 жылғы 5 қазандағы Жолдауын түсіндірді.
Маңғыстау облыстық сотының төрағасы Ержан Даулиев кездесуді ашып, Жолдаудың басым бағыттарының бірі – заң үстемдігін қамтамасыз ету болып табылатынын айтып, сот жүйесінің 7 түйіні бойынша жоспарлы жұмыстар жүргізіліп жатқандығын тілге тиек етті.
Одан әрі Мәжіліс депутаттары Жолдауда тұрғын үй, шағын бизнес, жастар, ауыл шаруашылығы, құқық қорғау жүйесі секілді әлеуметтік жобаларды жаңғыртудың нақты жолдары көрсетілгеніне тоқталып, еліміздің игілігін көздейтін Елбасы Жолдаудының міндеттерін орындауда белсенділік танытуға шақырды.
Кездесу соңында Маңғыстау облыстық сотының төрағасы Ержан Даулиев Евгений Александрович пен Михайл Владимировичке мінсіз қызметі мен еселі еңбектері үшін алғыс білдіріп, сәттілік тіледі.
Маңғыстау облысына қызметтік сапармен келген депутаттар құқық қорғау органдары өкілдерімен, мемлекеттік және бюджет саласы қызметкерлерімен, сондай-ақ түрлі сала жұмысшыларымен кездесіп, Елбасы Жолдауы мен Ұлт жоспарын жүзеге асыру жолдарын түсіндірді.
Маңғыстау облыстық сотының баспасөз қызметі
[xfvalue_img]
