2018 жылдың 3 айында атқарылған жұмыс нәтижесі бойынша баспасөз мәслихаты
Мұғалжар ауданының №2 аудандық сотында «Мұғалжар» аудандық газетінің штаттан тыс тілшісі А.Балымбетовтың қатысуымен сот саласындағы жаңалықтар бойынша және аудандық соттың ағымдағы жылдың 1 тоқсанында атқарылған жұмыс нәтижесі туралы баспасөз мәслихаты өтті.
Сот төрағасы А.Муканов өз баяндамасында, есептік кезеңнің сотпен қаралған істер бойынша статистикалық көрсеткіштерге тоқталып өтті:
Сот өндірісіне 2018 жылдың 3 айында 12 қылмыстық іс түсіп, 11-і қаралған, оның ішінде 7 тұлғаға қатысты 5 іс бойынша үкім шығарылған, 6 іс медиация тәртібімен татуласып, қысқартылған.
Азаматтық істер бойынша 269 іс және 15 материал, оның ішінде сот бұйрығын шығарумен 185 іс қаралды, 53 шешім шығарылды, 31 іс қысқартылған, оның ішінде 2 іс татуласу келісімімен қысқартылды, 9 іс медиация тәртібімен қысқартылған.
124 әкімшілік іс түсіп, 120-ы қаралған, оның ішінде әкімшілік жаза қолдануымен 120 қаулы шығарылған, 11 іс қысқартылған.
Сот өндірісімен 2018 жылдың 3 айында сот актілерін орындаумен байланысты 81 жадығат қаралған.
Сонымен қатар, Қазақстан Республикасының Жоғарғы Соты Төрағасының өкімімен бекітілген «Сотқа дейінгі дауларды (жанжалдарды) реттеу бойынша пилоттық жобаны енгізуді іске асыру, жекелеген санаттары бойынша дауларды медиация тәртібімен шешу» жобасы іске асырылып жатқанын және пилоттық жобаның мақсаты, жекелеген санаттағы дауларды (жанжалдарды) медиация тәртібімен сотқа дейінгі реттеуде азаматтық сот ісін жүргізуді енгізу, бітімгершілік рәсімдерді қолдану аясын кеңейту, азаматтардың сот шығындарын азайту, соттан тыс дауды (жандалдарды) реттеуде халықтың мүдделілігін анықтау болып табылатындығын атап өтті.
Шара соңында сот төрағасы А.Муканов аудандық газет өкіліне ынтымақтастығы үшін алғыс айтты.
Ақтөбе облысы Мұғалжар ауданының №2 аудандық соты
[xfvalue_img]
