«Медиация туралы» семинар сабағы
Астана қаласы Есіл ауданының №2 аудандық сотының кеңсе меңгерушісі және аға сот приставының қатысуларымен «КазГИУ университеті» АҚ студенттерімен дауды медиация арқылы шешу және оны рәсімдеу мәселелерін түсіндіруге арналған семинар өткізілді.
Іс-шара барысында кеңсе меңгерушісі Ж.Ерназарова Медиация туралы Қазақстан Республикасы Заңының кейбір қағидаларын түсіндіріп, медиаторларға қойылатын талаптар, медиация рәсімінің өткізілуі туралы, оның принциптері мен дауларды медиация арқылы шешу барысындағы медиаторлардың тәсілдері туралы айтты.
Сонымен қатар, жеке және (немесе) заңды тұлғалар қатысатын азаматтық, еңбек, отбасылық және өзге де құқықтық қатынастардан туындайтын, сондай-ақ онша ауыр емес және ауырлығы орташа қылмыстар туралы, қылмыстық теріс қылықтар туралы істер бойынша қылмыстық сот ісін жүргізу барысында қаралатын даулар (жанжалдар) және атқарушылық іс жүргізуді орындау кезінде туындайтын қатынастар медиацияның қолданылу саласы болып табылатыны түсіндірілді.
Семинар соңында, қатысушылар Медиация туралы Қазақстан Республикасы заңының қолданудың тиімділігі туралы пікір алмасты.
Астана қаласы Есіл ауданының №2 аудандық сотының баспасөз қызметі
[xfvalue_img]
21 пікір