СҚО-да Конституция күні қарсаңында суға батып бара жатқандарды құтқарған полицейдің анасын марапаттады
https://youtube.com/shorts/WnSZKDAKkS0?feature=share
Петропавлдағы «Qyzyljar Creative Center» концерт залында Қазақстан Республикасы Конституциясы күніне арналған Солтүстік Қазақстан облысы полиция департаментінің салтанатты жиналысы өтті.
Департамент бастығы, полиция генерал-майоры Айдын Қабдұлдинов жеке құрамды, ардагерлерді және қоғам өкілдерін мемлекеттік мерекемен құттықтады.
«Конституцияда бекітілген құндылықтарды сақтауымен қатар, ішкі істер органдарының басты міндеттерінің бірі – азаматтардың сенім деңгейін арттыру және қоғаммен конструктивті өзара іс-қимыл орнату», – деп атап өтті ол.
Мерекелік бұйрықпен бірқатар полиция қызметкерлері марапатталды. Есіл аудандық полиция бөлімінің учаскелік инспекторы Ринат Сәдуақасовқа атқарып жүрген лауазымынан бір саты жоғары – полиция подполковнигі арнайы атағы берілді.
Төрт қызметкер «Құқықтық тәртіпті қамтамасыз етуге қосқан үлесі үшін» медалімен наградталды. Солардың бірі – биылғы жазда Ғабит Мүсірепов ауданының жағажайында ер адам мен баланы суға батып бара жатқан жерінен құтқарып қалған Ерлан Қазиев.
Ерланның анасы – Сәуле Шотақызы да полиция ведомствосының игі дәстүріне сай салтанатты жиынға шақырылды. Ұлын отансүйгіштік пен ерлік рухында тәрбиелегені үшін генерал-майор Айдын Қабдұлдинов оған СҚО ПД-нің Алғыс хатын табыс етті.
Сонымен қатар Департаменттің Құрмет грамоталары полиция қызметкерлеріне, ардагерлерге, сондай-ақ заң мен тәртіп идеологиясын ілгерілетуде, қоғаммен диалогты нығайтуда сенімді серік болып жүрген қоғамдық белсенділерге тапсырылды. Олардың арасында – ІІМ-нің еңбек сіңірген қызметкері Хайдар Қашенов, «Динамо» спорт қоғамы облыстық филиалының бас маманы Галина Скорых, СҚО ПД жанындағы консультативтік-кеңесші орган мүшесі Александр Казанцев, «Демеу» балалар мәселелерін үйлестіру орталығының директоры Жұлдыз Саттарова бар.
Жиын полиция департаменті Мәдениет орталығының вокалды тобы ұсынған патриоттық әндерге толы әсерлі концертпен аяқталды.
Игорь Мерцалов
СҚО ПД баспасөз қызметі
[xfvalue_img]
5 пікір