30 солтүстікқазақстандық көлікті мас күйінде жүргізгені үшін сотталды
Ең үлкен жазаға Мағжан Жұмабаев ауданының тұрғыны тартылды. Ол 4 жылға бас бостандығынан айырылды. Екі жыл бұрын мас күйінде көлік жүргізгені үшін көлікті басқару құқығынан айырылған 31 жастағы солтүстікқазақстандық тағы да рөлге отырған. Осы жылдың сәуір айында мас күйінде ол велосипедшіні қағып кетті. Аталған факті бойынша ҚР ҚК 346-бабының 2-бөлігі бойынша сотқа дейінгі тергеу басталды, ол белгілі бір лауазымдарды атқару немесе белгілі бір лауазыммен айналысу құқығынан өмір бойына айыра отырып, 4 жылдан 6 жылға дейін бас бостандығынан айыру түріндегі жазаны көздейді.
«Биыл осыған дейін мас күйінде көлік жүргізгені үшін көлік басқару құқығынан айырылған 30 солтүстікқазақстандық сотталды. Олардың 12-сі 6 айдан 4 жылға дейін бас бостандығынан айырылды. Олардың барлығы өмір бойына көлік басқару құқығынан айырылды. 8 қылмыстық іс қазір сотта қаралуда. Қазіргі уақытта осындай алты факті бойынша тергеу жүргізілуде», - дейді СҚО ПД Анықтау басқармасының бастығы полиция полковнигі Ербол Бектұров.
Тимирязев ауданының Докучаево ауылында өткен демалыс күндері полиция қызметкерлерінің тоқтату туралы талабын елемеген мас жүргізуші ұсталды. «ВАЗ» жүргізушісі орташа дәрежеде мас күйінде болғаны анықталды. Жүргізушіге қатысты полиция қызметкерінің талаптарын орындамау фактісі бойынша ҚР Әкімшілік құқық бұзушылық туралы Кодексінің 613-бабы 1-бөлігі бойынша әкімшілік хаттама толтырылды. Сондай-ақ, сотқа дейінгі тергеу жүргізілуде. Сондай-ақ, жүргізуші көлік жүргізу құқығынан өмір бойына айырылуы мүмкін.
СҚО ПД баспасөз қызметі
[xfvalue_img]
