Ортақ мүлікті бөлу туралы дау сотта медиация тәртібімен шешілді
Нұр-Сұлтан қаласының Сарыарқа аудандық соты А-ның жауапкер М.-ға мүлікті бөлу туралы талап арызы бойынша азаматтық істі қарады.
Сот апалы-сіңлілердің арасындағы дау пәтердегі меншік үлесін анықтау салдарынан туындағанын айқындады.
Сот отырысында тараптар дауды медиация тәртібімен шешу туралы келісімге келіп, рәсімді Азаматтық процестік кодексінің 179-бабының 4-бөлігіне сәйкес істі қарайтын судьяның жүргізуіне өтінішхат келтірді.
Келісімнің талаптарына сәйкес жауапкер А-ның меншігіне оған тиесілі пәтердің 1/4 үлесін береді, талапкер медиация келісімінде белгіленген, сот бекіткен белгілі бір мерзімге дейін 2 500 000 теңге көлемінде ақшалай өтемақы төлеуге міндеттенеді.
Сонымен қатар, сот келісімде көрсетілген талаптардың орындалмауы жағдайында мәжбүрлеп орындату үшін атқару парағын сот арқылы алу құқығының бар екенін тараптарға түсіндірді.
Ұйғарым күшіне енді.
Ботагоз Баянова
Ақпараттық қамтамасыз ету бөлімінің басшысы
[xfvalue_img]
