Дау бейбіт жолмен шешілді
Әйтеке би аудандық сотына талап қоюшы «А МҰ» ҚШС-нің жауапкерлерден кепіл мүлкін өндіру туралы талап арыз түсті.
Сот отырысында судья дауласушы тараптарға екі жақты да риза қылатын татуласу және келісімге келу рәсімдерінің артықшылықтарын түсіндірген, нәтижесінде тараптар дауды медиация тәртібімен шешу туралы келісімге келгені туралы өтініш жасады.
Азаматтық процестік кодекстің 277-бабы 6-тармағының талаптарына сәйкес сот, егер тараптар дауды (жанжалды) медиация тәртібімен реттеу туралы келісім, дауды партисипативтік рәсім тәртібімен реттеу туралы келісім жасаса және оны сот бекітсе, iс бойынша іс жүргізуді тоқтатады.
Келісімнің шарттары бойынша жауапкерлер пайда болған берешекті мойындайды және сот бекіткен медиативтік келісімде көрсетілген мерзімге дейін толық өтеуге міндеттенеді.
Ұйғарым заңды күшіне енген жоқ.
Әйтеке би аудандық сотының баспасөз қызметі
[xfvalue_img]
