Тілді өркендету баршаның ісі

      Тіл тәуелсіздігіміздің қуатты құралы, елдігіміз бен бірлігіміздің туы. Еліміз тәуелсіздік алғалы бері жүргізіліп келе жатқан тіл саясатының арқасында мемлекеттік тіліміз бүгінде ұлттық руханиятымыздың өзегіне айналды. Бүгінде біз әліде мемлекеттік тілімізді, қазақ тілін нақты дұрыс қолдана алмай отырмыз. Ата-бабамыздан қалған асыл қазына тілімізді сақтаудың тиімді жолы  әрқайсымыз ана тілінде сөйлеп, сол тілде жұмыс істеудің өзі бір бақыт екенін білу қажет.

       Қазіргі уақытта, мемлекеттік тілді меңгерген аға буынның да үлес салмағы қуанарлық. Десе де, мемлекеттік тілді оқып-үйренуді жастарға ғана міндеттемей, сонымен қатар әр буынға, әр мекемеге жүктесе, Елбасы көрсеткен межелі уақытқа  нәтижелі жетеріміз анық. Болашақтың иелері қазақ тілінде сөйлеу үшін, әрбір қазақ мемлекеттік тілді білуі керек, қазақ тілінде сөйлеуі керек. Тіл мәселесі елемейтін ескерусіз қалдыра салатын нәрсе емес, тіл біздің байлығымыз.

     Бүгінде мемлекеттік органдардың барлығы да қазақ тілін барынша дамытуға, оның халықарлық беделін нығайтуға міндетті. «Өзге тілдің бәрін біл, өз тіліңді құрметте». «Қанша елдің тілін білсең, сонша ілім білесің» деп бекер айтпаған. Яғни, қазіргі ғылым мен техниканың дамыған заманында тіл білудің артықтығы жоқ. Бұл ана тілінің қадір-қасиетін арттыра түсері даусыз.Қазақ тілі-алтын қазынамыз, әрдайым биікте болсын.

     Мемлекеттік тіліміздің мәртебесі үстем болып, ол мемлекетіміздің ең маңызды тірегіне айнала берсін. Тілді өркендету баршаның ісі болса, оны аялайда білгеніміз жөн, себебі тіл -тек қарым қатынас құралы емес, ұлтымыздың биік тұғыры.

Зияш Зайнуллина 

БҚО, Бөкей ордасы ауданы соты әкімшісінің басшысы