Сот ісін жүргізудегі мемлекеттік тілдің мәртебесін арттыру

Жалпы құқық саласында мемлекеттік тілдің мәртебесі мен маңызын арттыру, қазақ тілінің барлық мемлекеттік ұйымдарда қолданылуын қамтамасыз ету, іс бойынша сотқа дейінгі істі мемлекеттік тілде жүргізу бақылауды күшейту, азаматтардың тіл таңдау құқықтарын сақтау, тіл туралы заңнама нормаларының бұзылуын анықтау және мұндай жағдайларды болдырмау қажет.

Қазіргі уақытта, мемлекеттік тілді меңгерген аға буынның да үлес салмағы қуанарлық. Десе де, мемлекеттік тілді оқып-үйренуді жастарға ғана міндеттемей, сонымен қатар әр буынға, әр мекемеге жүктесе, Елбасы көрсеткен межелі уақытқа нәтижелі жетеріміз анық. Тіл тәуелсіздігіміздің қуатты құралы, елдігіміз бен бірлігіміздің туы. Еліміз тәуелсіздік алғалы бері жүргізіліп келе жатқан тіл саясатының арқасында мемлекеттік тіліміз бүгінде ұлттық руханиятымыздың өзегіне айналды. Қазақ тілі үшін қабырғасы сөгіле мақала сілтейтіндердің санына жете алмаймыз. Бүгінде тіл туралы ерінбегеннің ерні жыбырлайды, бірақта біз әліде мемлекеттік тілімізді, қазақ тілін нақты дұрыс қолдана алмай отырмыз.

Қазіргі  кезде  сот саласында  барлық іс қағаздары, келіп түскен өтініштер талап қою арыздардың мемлекеттік тілде жүргізілуде.

Сотта және сотқа дейінгі іс жүргізу органдарының іс жүргізу құжаттарын дайындау кезінде тілдік қағидатты сақтау, сот ісін жүргізу тілін білмейтін процеске қатысушыларды сапалы аудармамен қамтамасыз ету, іс жүргізу құжаттарын мемлекеттік тілде әзірлеу кезінде кемшіліктерге жол бермеу, мемлекеттік тілдегі істер мен материалдардың санын көбейту қажет.

Тіл мәселесі елемейтін ескерусіз қалдыра салатын нәрсе емес. Дегенмен, «теңіз тамшыдан құралады» дегенді алға тартсақ, қазақ тілінің көркеюі осындай елусіз жәйттерден басталатынын байқаймыз. Болашақтың иелері қазақ тілінде сөйлеу үшін не істемек керек? Ал біздіңше, оның жауабы қарапайым ғана. Әрбір қазақ мемлекеттік тілді білуі керек, қазақ тілінде сөйлеуі керек.

Қанатұлы Жандос 

Батыс Қазақстан облысы

Бөкей ордасы аудандық соты әкімшісінің

бас маманы –сот отырысының хатшысы