Сот жүйесі және мемлекеттік тіл

Қазіргі сот жүйесінде мемлекеттік тілді қолдану аясы жыл өткен сайын артып келеді. Мемлекеттік тілде сот ісін жүргізу мәселесі күн тәртібінен түспейтін мәселе. Бұл біздің бір күндік немесе бір кезеңдік іс-шарамыз емес, тәуелсіздігіміз тұғырлы болу жолындағы негізгі бағыттардың бірегейі болуы тиіс. Сонда ғана діттеген межеге бұрын келеріміз анық.

Қазіргі уақытта сот жүйесінде барлық құжаттар, іс қағаздар мемлекеттік тілде орындалады. Сот ісін жүргізу тілі басымдық мемлекеттік тілге деген талап күшейтілуде.

Тіл қарым қатынас құралы болуымен бірге оны тұтынушы халықтың салт-дәстүрін, әдет-ғұрпын, ұлттық болмысын ұрпақтан ұрпаққа жеткізуші.

Қазақстан Республикасы «Тіл туралы» заңының 4-бабында мемлекеттік тіл – мемлекеттің бүкіл аумағында қоғамдық қатынастардың барлық саласында қолданылатын мемлекеттік басқару, заң шығару, сот ісін жүргізу және іс қағаздарын жүргізу тілі деп нақты көрсеткен. Сондықтан заңмен әуел бастан бірінші кезекте мемлекеттің өз тіліне басымдық берілген.

Ел Президентінің өзі де мемлекеттік тілген барынша назар аударуда.  Сол себепті әрбір қазақстандық азамат және мемлекеттік қызметкер өзінің мемлекеттік тілінде дұрыс сөйлеп, осы тілде ойлауды үйрену қажет.

А.Искакова, Жаңақала аудандық сотының кеңсе меңгерушісі.