Өтемақыны өндіріп алу туралы дау сотта шешілді
Елорданың Алматы аудандық соты К. - ның материалдық залалды өндіріп алу, алынбаған табыс сомасын және моральдық зиянды өтеу туралы жауапкерлер Б. мен З. - ға қойған талабы бойынша азаматтық істі қарады.
Жүргізуші Б. көлік жүргізіп келе жатып, велосипедшіні қағып кетіп, оның денсаулығына ауыр зиян келтірді. Жауапкер З. жол-көлік оқиғасына ұшыраған көліктің иесі болып табылады.
Қылмыстық істер жөніндегі Байқоңыр аудандық соттың үкімімен Б. кінәлі деп танылып, абайсызда адам денсаулығына ауыр зиян келтіріп, жол қозғалысы ережелерін бұзғаны үшін сотталды.
Талап қоюшы жауапкерлерден 700 мың теңгеден астам материалдық залалды, 2 миллион теңгеден астам алынбаған табыс сомасын өндіріп алу, сондай-ақ 4 миллион теңге мөлшерінде моральдық зиянды өтеу туралы талап қойып, сотқа жүгінді.
Қойылған талап сот шешімімен ішінара қанағаттандырылды. Талап қоюшының пайдасына жауапкерлерден ортақ тәртіппен материалдық залал, жоғалған табыс сомасы және моральдық зиян өндірілді.
Шешім заңды күшіне енген жоқ.
[xfvalue_img]
