Сот ай сайынғы жарналар сомасын өндіріп алу туралы қойылған талапты қанағаттандырды
«Ф» мүліктің меншік иелері бірлестігі (бұдан әр - ММИБ) ай сайынғы жарналар сомасын өндіріп алу туралы ММ-ге талап қойып, Нұр-Сұлтан қаласының мамандандырылған ауданаралық экономикалық сотына жүгінді.
Жауапкер қойылған талаптармен келіспей, ММИБ-мен шарттық қатынастардың жоқ екенін, ешкім қызметтік пәтерлерде тұрмайтынын айтты.
Сот пәтерлер мен тұрғын емес үй-жайлардың меншік иелері жиналысының хаттамасымен танысты. Осының нәтижесінде олардың жазбаша дауыс беру және сұрау салу арқылы тұрғын үй-жайлар (пәтерлер) үшін ай сайынғы тарифті 60 теңге мөлшерінде айқындалғаны анықталды.
Жауапкер аталған пәтерлердің меншік иесі болып табылады. Сондықтан жауапкерді күтіп-ұстау ауыртпалығынан босатуға негіз жоқ. Кондоминиум нысанын басқару және кондоминиум нысанының ортақ мүлкін күтіп-ұстау үшін шығыстар ай сайын жұмсалады. Осы шығыстардың мөлшері пәтердің, тұрғын емес үй-жайдың меншік иесінің ортақ мүліктегі үлесіне қарай белгіленеді.
Қойылған талап сот шешімімен қанағаттандырылып, ММ-нен ай сайынғы жарналар сомасы өндірілді.
Сот шешімі заңды күшіне енді.
[xfvalue_img]
