Мемлекеттік органмен дау бейбіт жолмен шешілді

• Азамат Т. үшінші топтағы мүгедек және Чернобыль АЭС-індегі апатты жоюға қатысушы ретінде 2011 жылдан бастап жалдау шарты негізінде коммуналдық тұрғын үй қорынан берілген пәтерде тұрған.
• Жалға алушының 6 ай мерзімде пәтерде тұрмауына байланысты мемлекеттік орган шартты ұзартудан бас тартты.
• Жалға алушы Нұр-Сұлтан қаласының әкімшілік сотына мемлекеттік тұрғын үй қорынан тұрғын үйді жалдау шартының қолданылу мерзімін ұзарту және бас тартуды заңсыз деп тану туралы талап арызбен жүгінді. 
• Татуластыру рәсімі барысында судья татуласу туралы келісім жасасу арқылы дауды аяқтау мүмкіндігін, оны жасасудың салдары мен артықшылықтарын түсіндірді.  
• Нәтижесінде тараптар келісімге келді, оның шарттары бойынша «Нұр-Сұлтан қаласының тұрғын үй және тұрғын үй инспекциясы басқармасы» ММ соңғы тұру актісі жасалған сәттен бастап алты ай ішінде жалға алушының көрсетілген пәтерде тұруына мониторинг жүргізілгеннен кейін, сондай-ақ үшінші тұлғаларды пәтерден шығаруды қамтамасыз еткеннен кейін талапкердің өтінішін тұрғын үй комиссиясының қарауына қайта шығаруға міндеттенеді.
• 2021 жылғы 24 желтоқсанда Нұр-Сұлтан қаласы әкімшілік сотының татуластырушы судьясы келісімді бекітті.  Нәтижесінде талапкердің құқықтары қалпына келтірілді.
• Сот ұйғарымы заңды күшіне енген жоқ. 
• Жанжалдарды бейбіт жолмен шешу кез-келген дауларды аяқтаудың ең тиімді әдісі екені анық.

Нұр-Сұлтан қаласының мамандандырылған ауданаралық әкімшілік соты