Тараптар медиация тәртібімен татуласты

Бөкей ордасы аудандық сотының өндірісіне талапкер Б.-ның жауапкер А.-ға некені бұзу туралы талап қою арызы қабылданды.

Іс құжаттарында белгілі болғандай, талапкер Б. жауапкер А.-ның арасында отбасылық келіспеушіліктері туындап, осының салдарынан талапкер Б. некені бұзу туралы талап қою арызымен жүгінген.

Алдын ала сот отырысында, сот тараптарға бірін-бірімен татуласу және олардың арасындағы дауды шешу үшін медиаторларға жүгінуді ұсынды.

Нәтижесінде, талап қоюшы Б. мен жауапкер А. медиатордың көмегіне жүгінгендерін және медиатор арқылы өзара келісімге келгендерін, медиация тәртібімен жасалған келісімді бекітіп, істі тоқтату туралы арызын сотқа жолдады.

Сотпен тараптардың ұсынған кәсіби емес медиатор И.Ф.Беккалиевтың қатысуымен талапкер Б. мен жауапкер А.-ның арасында келісілген дауды (жанжалды) медиация тәртібімен реттеу туралы келісім бекітіліп, осы іс бойынша іс жүргізу тоқтатылды.

Медиация тараптарды татуластыру кезіндегі рәсімнің бір түрі.

Дауды жан-жақты және тараптардың өздерінің ерікті келісімдері арқылы медиаторлардың қатысуымен шешу бүгінде дау-дамайды азайтудың негізгі  жолы болып табылатындығын айтқым келеді.

Бөкей ордасы аудандық сотының кеңсе меңгерушісі

Зияш Зайнуллина