Тараптар бітімгершілік келісім жасады

Бөкей ордасы аудандық сотында үш азаматтық іс тараптардың өзара медиация тәртібімен татуласуына байланысты тоқтатылды.

Іс құжаттарында белгілі болғандай, аудандық сотқа талапкер Р. жауапкер Н.-дан бережақ ақшаны өндіру туралы талап қою арызымен жүгінді.

Алдын ала сот отырысында, сот тараптарға бірін-бірімен татуласу және олардың арасындағы дауды шешу үшін медиаторларға жүгінуді ұсынды.

Нәтижесінде, талап қоюшы Р. мен жауапкер Н. медиатордың көмегіне жүгінгендерін және медиатор арқылы өзара келісімге келгендерін, медиация тәртібімен жасалған келісімді бекітіп, істі тоқтату туралы арызын сотқа жолдады.

Сотпен тараптардың ұсынған кәсіби емес медиатор И.Ф.Беккалиевтың қатысуымен талапкер Р. мен жауапкер Н.-нің арасында келісілген дауды (жанжалды) медиация тәртібімен реттеу туралы келісім бекітіліп, осы іс бойынша іс жүргізу тоқтатылды.

Дауды (жанжалды) медиация тәртібімен реттеу туралы келісім бойынша, жауапкер Н. талапкер Р.-ға бережақты толық қайтарған, ал талапкер жауапкерге қойған талабынан өзара медиация тәртібімен татуласуларына байланысты бас тартты.

Сондай-ақ, аудандық сотқа талапкер А.-ның жауапкер Р.-дан қарыз беру туралы шарт бойынша берешекті өндіру туралы және талапкер «Коллекторское агенство «Эксперт Плюс» ЖШС-ның  Р-дан қарыз беру туралы шарт бойынша берешекті өндіру туралы туралы талап қою арызымен жүгінген.

Сотпен АПК 167-бабының 3-бөлігіне сай, А.-ның талап қою арызы бойынша және  «Коллекторское агенство «Эксперт Плюс» ЖШС-ның талап қою арызы бойынша азаматтық істері біріктіріліп, бір өндіріске қабылданды.

Сотпен азаматтық істер бойынша тараптарға татуласу рәсімдері жүргізілді.

Сот талқылауында істерді қарау кезінде тараптар бітімгершілікке келгендерін айтып, келісім бекітуді сұрады.

Нәтижесінде, сотпен талапкер А.-ның және  талапкер «Коллекторское агенство «Эксперт Плюс» ЖШС-ның жауапкер Р.-дан қарыз беру туралы шарт бойынша берешекті өндіру туралы азаматтық істері бойынша татуласына байланысты бітімгершілік келісімі бекітіліп, осы істер бойынша іс жүргізу тоқтатылды.

Бітімгершілік келісімге сәйкес, жауапкер Р.-ның талапкер А.-ға және талапкер «Коллекторское агенство «Эксперт Плюс» ЖШС-не белгіленген мерзім ішінде берешекті қайтаруы міндеттелді.

Сонымен қатар, аудандық соттың өндірісіндегі талапкер «Бөкей ордасы ауданының әкімі аппараты» ММ-нің жауапкер Г.-дан бюджеттік несие бойынша беректі өндіру туралы азаматтық  ісі де тараптардың бітімгершілік келісімге келуіне байланысты, келісім бекітіліп, осы іс бойынша іс жүргізу тоқтатылды.

Азаматтық істер бойынша шығарылған соттың ұйғарымдары заңды күшіне енген жоқ.

Зияш Зайнуллина

БҚО, Бөкей ордасы аудандық сотының кеңсе меңгерушісі