Сот приставы лауазымды тұлға.

Сот приставы - мемлекеттік қызметте тұратын және сот процесі кезінде залда тәртіп пен тыныштықтың сақталуын қамтамасыз ететін лауазымды тұлға. Сот приставаның қызметінің ұйымдастырылуы мен құқықтық мәртебесі арнайы заңмен реттеледі.

Қазіргі таңда, сот приставтары Ішкі қауіпсіздік және Соттардағы сыбайлас жемқорлықтың алдын – алу бөлімінің құрамына енеді және оған тікелей бағынады. Сыбайлас жемқорлықтың алдын алу бағытында іс-қимыл жасау, сот приставтарының негізгі міндеті.Сот приставы өзіне жүктелген құқықтары мен міндеттерді орындау мақсатында:

• азаматтардан сот қызметінің белгіленген тәртібін сақтауды, сондай-ақ үй –жайында және сот отырысы залында құқыққа қайшы іс-әрекеттер жасауды тоқтатуды талап етуге,
• соттың үй жайында құқық бұзушыны әкімшілік жолмен ұстауға,
• заңдарда белгіленген тәртіппен жауапқа тарту үшін құқық бұзушылық туралы хаттама жасауға құқылы.
• сот отырысы кезінде залда қоғамдық тәртіпті сақтау,
• іс-жүргізу әрекеттерін орындауда сотқа жәрдемдесу,
• соттардың үйлерін күзетуді,судьялардың және процестің басқа да қатысушыларын күзетуді қамтамасыз ету негізгі міндеттері болып табылады.

           Елімізде короновирус індетіне байланысты төтенше жағдай жарияланғалы БҚО МАЭС-да сот отырыстары толықтай онлайн форматта жұмыс жасап келеді. Сот жүйесін жетілдіру мақсатында тараптар қашықтан сот отырысына келмей-ақ, бейне байланыс арқылы өтуде.

           Сот отырысында азаматтардың құқығын сот пен заңгерлер қорғаса, олардың қауіпсіздігін сот приставтары қаматамасыз етеді. ”Онлайн” режиміне қарамастан қоғам сотты құрметтеуі керек. 1997 жылы сот приставтары туралы арнайы заң қабылданып, олардың міндеттері мен талаптары айқындалды. Сот приставтарының заңды талаптары  барлық жеке және заңды тұлғалардың орындауы үшін міндетті.

Ш.С.Кумискалиева

БҚО МАЭС-ның  аға сот приставы