«Орталық Азия – Еуропалық Одақ» 17-ші Министрлік кездесу

«Орталық Азия – Еуропалық Одақ» 17-ші Министрлік кездесу

Душанбе, 2021 жылғы 22 қараша – Қазақстан Республикасы Премьер-Министрінің орынбасары – Сыртқы істер министрі Мұхтар Тілеуберді Орталық Азия мемлекеттері мен Еуропалық Одақтың сыртқы саяси ведомстволары басшыларының 17-ші кездесуіне қатысты.

ЕО делегациясын Еурокомисияның Вице-президенті және Сыртқы істер және қауіпсіздік саясаты жөніндегі Жоғарғы өкілі Жозеп Боррелл және Халықаралық әріптестіктер бойынша Еуропалық комиссар Ютта Урпилайнен басқарды.

Кездесу кезінде тараптар өңіраралық және жаһандық ынтымақтастық мәселелерін, соның ішінде пандемияның келеңсіз салдарын еңсеруді, өзара сауда мен инвестицияның қарқындарын қалпына келтіруді, өңірдегі ЕО бағдарламалық қызметінің басымдықтарын, сондай-ақ Ауғанстандағы жағдайды талқылады.

Казақстандық делегация басшысы сөйлеген сөзінде ғылым, технологиялар мен инновациялар саласының негізгі рөліне тоқталып, еуропалық тарапқа жаңа өңірлік бағдарламаларын аталған салаларда құрастыруды ұсынды. Қазақстанның бастамасын барлық Орталық Азия мемлекеттерінің өкілдері бірауыздан қолдады.

Қатысушылар денсаулық сақтау, экономика, адам құқықтарын қорғау мен заң үстемдігі салаларында өзара ықпалдастықты кеңейтуге, терроризм, экстремизм және заңсыз есірткі айналымына қатысты өңірлік қауіп-қатерлерді бірге еңсеруге, шекараларды басқару мен құқық қорғау органдары арасындағы ведомствоаралық ынтымақтастықты нығайтуға, сондай-ақ ауған проблемасының шешу жолдарын бірлесе пысықтауға өзара мүдделілігін растады.

Бұған қоса, өңірдің орнықты даму, соның ішінде трансшекаралық су ресурстарын рационалды пайдалану, экология және климат өзгеруінің проблемаларын шешу саласындағы ынтымақтастық мәселелері қозғалды. Кездесудің нәтижесінде Бірлескен коммюнике қабылданды.

Министр М.Тілеуберді ЕО Сыртқы істер және қауіпсіздік саясаты жөніндегі Жоғарғы өкілі Ж.Борреллмен жеке келіссөздер өткізді. Тараптар Қазақстан мен Еуропалық Одақ арасындағы ынтымақтастықты одан әрі дамыту мәселелерін егжей-тегжейлі қарастырып, сондай-ақ ҚР Президенті Қасым-Жомарт Тоқаевтың Брюссельге алдағы ресми сапарына дайындық барысын талқылады.

[xfvalue_img]

Жаңалықтарды бағалаңыз

  • Сіздің бағалауыңыз
Итоги:
Дауыс берген адамдар: 0

Пікір қалдыру

Ваш e-mail не будет опубликован. Поля обязательны для заполненеия - *

  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Кликните на изображение чтобы обновить код, если он неразборчив