14 шілдеде Нұр-Сұлтанда Азиядағы өзара іс-қимыл және сенім шаралары жөніндегі Кеңесі (АӨСШК) Жастар кеңесінің V-ші отырысы өтеді.
Онлайн және офлайн форматтағы шараға Катар, Иордания, Израиль, Палестина, Өзбекстан, Иран, Ресей, Қырғызстан, Қытай, Пәкістан, Тәжікстан, Тайланд, Бангладеш, Ирактан қонақтар келіп, БҰҰДБ, ТүркПА және ШЫҰ сияқты халықаралық ұйымдардың өкілдері қатысады.
Пленарлық отырыс 2022 жылғы 14 шілде, сағат 10.00-де Назарбаев Университетінің ғимаратында (Нұр-Сұлтан қаласы, Қабанбай батыр даңғылы, 53, С-3 блогы, 1022,1010 залдарында) өтеді.
Сессиялардың негізгі тақырыптары: жастар және студенттер алмасу бағдарламалары, жастардың радикалдануына қарсы іс-қимыл, жастардың дамуы, жастар арасындағы суицидтің, есірткіге тәуелділіктің алдын алу.
Форумның іскерлік бағдарламасы пленарлық отырыстан және 4 негізгі панельдік сессиядан тұрады. 25-тен астам спикер, яғни халықаралық жастар ұйымдарының өкілдері сөз сөйлейді.
Қосымша ақпаратты +7 (776) 055-00-01, 87086177393 телефондары арқылы алуға болады.
Ескерту! Іс-шараға қатысу үшін 72 сағат ішінде берілген теріс нәтижесі бар ПТР-тест анықтамасы болу қажет.
[xfvalue_img]
