«ADAL KÓMEK»: біржолғы әлеуметтік төлемді тағайындау ережелері түсіндірілді

 «ADAL KÓMEK» жобасы аясында ШҚО-ның «Антикор орталығында» мемлекеттік әлеуметтік сақтандыру қорының ШҚО бойынша  филиалының заңгері Медет Сейпиловтың қатысуымен біржолғы әлеуметтік төлемді тағайындау ережелерін түсіндіру бойынша тікелей эфир өткізілді.

Тікелей эфир барысында Медет Сейпилов Қазақстан Республикасы Еңбек және халықты әлеуметтік қорғау министрінің 2020 жылғы 16 шілдедегі № 283 бұйрығымен бекітілген «Шектеу іс-шараларын енгізуге байланысты кірістен айырылу жағдайы бойынша біржолғы әлеуметтік төлемді жүзеге асыру қағидаларының» нормаларын егжей-тегжейлі түсіндіріп берді.

"Аталған Қағиданың 3 тармағына сәйкес, біржолғы төлем келесі санаттарға: екінші деңгейдегі банктердің, банк операцияларының жекелеген түрлерін жүзеге асыратын ұйымдардың және олармен иффилиирленген заңды тұлғалардың, мемлекеттік заңды тұлғалардың (шаруашылық жүргізу құқығындағы мемлекеттік кәсіпорындардың жұмыскерлерінен басқа), акцияларының және жарғылық капиталындағы үлесінің жүз пайызы мемлекетке тиесілі заңды тұлғалардың жұмыскерлерін қоспағанда, жалақы сақталмайтын демалыста жүрген жұмыскерлерге; дара кәсіпкерлерге; жеке практикамен айналысатын адамдарға; нысанасы жұмыстарды орындау (қызметтерді көрсету) болып табылатын азаматтық-құқықтық сипаттағы шарттар бойынша кіріс алатын жеке тұлғаларға; «Салық және бюджетке төленетін басқа да міндетті төлемдер туралы» Қазақстан Республикасы Кодексінің 774-бабына сәйкес бірыңғай жиынтық төлем төлеуші болып табылатын жеке тұлғаларға жүзеге асырылады", - деп түсіндірді Медет Сейпилов.

Тікелей эфир соңында спикер азаматтардың сұрақтарына жауап берді.