«САМҰРЫҚ-ҚАЗЫНА» ҚОРЫ МАҚТАРАЛ АУДАНЫНЫҢ ЗАҚЫМДАЛҒАН НЫСАНДАРЫН ҚАЛПЫНА КЕЛТІРУГЕ 1 МЛРД ТЕҢГЕ ЖІБЕРЕДІ

 «Самұрық-Қазына» ҰӘҚ»  АҚ Түркістан облысы Мақтарал ауданындағы зақымдалған нысандарды қалпына келтіруге 1 млрд теңге жібереді.

Қолдау көрсету туралы шешім Қазақстан Республикасы Президентінің тапсырмасына сәйкес қабылданды.

Түркістан облысы әкімдігінің хабарлауынша, Мақтарал ауданында зақымдалған нысандарды қалпына келтіруді және Қор бөлген қаражаттың мақсатты пайдаланылуын «Түркістан» әлеуметтік даму қоры қамтамасыз етеді.

Айта кеткен жөн, 1 мамыр күні қатты жаңбыр мен дауылдан кейін Өзбекстандағы Сардоба су қоймасының бөгеті жарылды. Нәтижесінде Түркістан облысы Мақтарал ауданының шекара маңындағы коллекторларында  су толып, бірнеше елді мекенді су басты. Осыған байланысты, Түркістан облысы Мақтарал ауданында төтенше жағдай жарияланды.

Айта кетейік, бұған дейін «Самұрық-Қазына» АҚ Түркістан облысының Арыс қаласына қалпына келтіру және құрылыс жұмыстарына 7 млрд теңге жұмсаған болатын. Жалпы «Самұрық-Қазына» Қоры Арыс қаласында әлеуметтік инфрақұрылымның 68 нысанын қалпына келтірді. Оның ішінде 64 нысан жөнделіп, 4 - і бұзылып, нөлден қалпына келтірілді.

Самұрық-Қазына» ҰӘҚ» АҚ

Қоғаммен байланыс және

маркетингтік коммуникациялар

 жөніндегі департаменті