Тауарларға ілеспе жүкқұжаты

Құрметті салық төлеушілер! 

Маңғыстау облысы бойынша Мемлекеттік кірістер департаменті тауарларға ілеспе жүкқұжаттарды (ТІЖ) ресімдеу Салық кодексінің 176–бабында көзделгенін хабарлайды.

ТІЖ ресімдеу жөніндегі міндет қолданылатын тауарлардың тізбесі, сондай–ақ ТІЖ ресімдеу қағидалары және олардың құжат айналымы Қазақстан Республикасы Қаржы министрлігінің 2019 жылғы 26 желтоқсандағы № 1424 бұйрығымен бекітілген.

ТІЖ электрондық нысанда ресімделеді және өнім беруші, алушы Қазақстан Республикасының аумағына әкелген кезде ұсынады.

Қазақстан Республикасының аумағында өткізу кезінде ТІЖ–н ресімдеу тауарларды қадағалау тетігі туралы келісімге сәйкес қадағалануға жататын мұнай өнімдері, алкоголь өнімдері және тауарлар бойынша жүргізіледі (СЭҚ ТН – тоңазытқыштар, мұздатқыштар 11 коды).

ЕАЭО шеңберінде тауарларды әкелу/әкету кезінде ТІЖ барлық тауарлар бойынша ресімделеді.

ТІЖ–н алушы кез келген көлік түрі арқылы – 20 (жиырма) жұмыс күні ішінде, көлікті пайдаланбай – 10 (он) күнтізбелік күн ішінде тауарды жеткізу (тасымалдау) кезінде растайды не қабылдамайды.

Сондай ақ ЭШФ АЖ да дұрыс жұмыс істеу үшін МКК сілтемесі бойынша ЭШФ АЖ Пайдаланушы нұсқаулығын пайдалануды ұсынамыз https://kgd.gov.kz/ru/content/rukovodstvo–polzovatelya–1 және сілтеме бойынша бейне сабақтар https://kgd.gov.kz/ru/content/videouroki–1.

Техникалық сұрақтар туындаған жағдайда ЭШФ АЖ қолдау қызметіне жүгіне аласыз esfsd@kgd.minfin.gov.kz, сондай–ақ 8–7172–72–51–61 телефон нөмірі бойынша.