15 қараша Ұлттық валюта - теңге күнi, Қазақстан Республикасының Қаржы жүйесi қызметкерлерiнiң кәсiби мерекесi
Маңғыстау облысы бойынша Мемлекеттік кірістер департаментінде Ұлттық валюта – теңгенің айналымының 30 жылдығына және қаржы қызметкерлерінің кәсіби мерекесіне арналған салтанатты жиын өтті.
Салтанатты іс-шарада басшының орынбасары Ербол Өтеев Департамент ардагерлері мен қызметкерлерін кәсіби мерекесімен құттықтап, ел экономикасын өркендету жолындағы қызметтеріне табыс тіледі.
- Тәуелсіздік жылдарында ел экономикасының қалыптасуы мен қарқынды дамуына қаржы жүйесі қызметкерлерінің қосқан үлесі орасан зор. Бүгінде біздің алдымызда Мемлекет басшысы мен Үкімет қойған жаңа міндеттер тұр. Ол - экономикалық өсу мен халықтың әлеуметтік әл-ауқатын арттыруды қамтамасыз ету үшін бюджет ресурстарын тиімді пайдалану. Біздің мамандар бұл істе де барлық күш-жігерін, тәжірибелік, іскерлік мүмкіндіктерін жұмсайтынына сенемін, деді Е.Өтеев.
Құттықтау сөзінен кейін МКД басшысының орынбасары бір топ қызметкерлерді ҚР Қаржы министрлігінің «Қаржы қызметінің үздігі» төсбелгісімен, ҚР Қаржы министрлігінің және облыс әкімінің «Алғыс хаттарымен» марапаттады.
[xfvalue_img]
