«Үздік салық төлеуші» және «Сыртқы экономикалық қызметтің үздік қатысушысы» номинацияларында жеңіске жетті

Маңғыстау облысы бойынша Мемлекеттік кірістер департаменті салтанатты түрде салық төлеушілер мен бұқаралық ақпарат құралдары өкілдерінің қатысуымен «Үздік салық төлеуші», «Үздік сыртқы экономикалық қызметке қатысушысы» конкурсының жеңімпаздарын  марапаттау рәсімін өткізді.

Конкурс серіктестік қатынастарды нығайтуға, салық төлеушілердің мемлекеттік кірістер органдарына ашықтығы мен сенімін арттыруға бағытталған, сондай-ақ салықтар мен басқа да міндетті төлемдерді ерікті және уақтылы төлеу үшін кәсіпкерлік қызмет субъектілерін моральдық ынталандыруға қызмет етеді.

Мемлекеттік кірістер органдарының басты міндеті - мемлекеттік қазынаны уақтылы толықтыру. Бюджеттердің толықтығы, ең алдымен, салық төлеушілердің – ірі және шағын кәсіпорындардың, жеке кәсіпкерлердің, жеке тұлғалардың  салықтарды уақтылы төлеуіне байланысты.

Лауреаттарды іріктеу критерийлері - бюджетке салықтар мен әлеуметтік төлемдердің түсуі, салық берешегінің болмауы, демеушілік және қайырымдылық қызметі, салық есептілігін уақтылы ұсыну, камералдық бақылау нәтижелері бойынша бұзушылықтардың, орындалмаған хабарламалардың болмауы және т.б.

Байқау жеңімпаздары: «Бургылау» ЖШС, «Van Oord Dredging and Marine Contractors B.V.» компаниясының Қазақстан Республикасындағы филиалы, «ТрансАбис» ЖШС, «Тенарис Глобал Сервисез (Қазақстан)» ЖШС, «S.B. Supply and Services» ЖШС, Ақтау қаласындағы «CNPC International (Buzachi) B.V.» компаниясының филиалы және Екатерина Владимировна Христодулуға дипломдар табыс етілді.