Нархоз Университеті, АХҚО Соты және Халықаралық төрелік орталығы ынтымақтастық туралы өзара келісімге қол қойды

Нархоз Университеті, АХҚО Соты және Халықаралық төрелік орталығы ынтымақтастық туралы өзара келісімге қол қойды

Құжат Нархоз студенттеріне АХҚО Соты және ХТО-да с тағылымдамадан өтуге мүмкіндік береді

Бүгін Нархоз Университеті бір жағынан, «Астана» Халықаралық Қаржы Орталығының Соты (бұдан әрі – АХҚО Соты) және Халықаралық төрелік орталығы (бұдан әрі – ХТО) екінші жағынан ынтымақтастық туралы өзара келісімге қол қойды. Құжат өткен жылы қол қойылған өзара түсіністік туралы Меморандумды толықтырады және ұйымдар арасындағы ынтымақтастықты кеңейтеді.

Келісімге АХҚО Сотының Төрағасы Лорд Манс пен ХТО Төрайымы Барбара Доманнның қатысуымен АХҚО Соты және ХТО Тіркеушісі және аппарат басшысы Кристофер Кэмпбелл-Холт және Нархоз Университетінің президенті Мирас Дауленов қол қойды.

Келісім студенттер үшін АХҚО резидент-компанияларында одан әрі жұмысқа орналасу мүмкіндігімен АХҚО Сотында және ХТО-да тағылымдамадан өту мүмкіндігін береді. АХҚО Соты және ХТО қызметкерлері Нархоз Университетінде Құқық және мемлекеттік басқару мектебінің пәндері бойынша сабақ беретін болады.

АХҚО Соты және ХТО-ның Тіркеушісі және аппарат басшысы Кристофер Кэмпбелл-Холт келесідей атап өтті:

 «Біз Нархоз Университетімен ынтымақтастығымызды одан әрі дамытуға және осы әріптестіктің арқасында Алматыдағы жобаларымыздың саны артқанына қуаныштымыз. Нархоз өңірдегі жетекші университеттердің бірі болып табылады және біз оның студенттерін АХҚО Соты мен ХТО тағылымдамаларының халықаралық бағдарламасында асыға күтеміз. Бұған дейін бұл бағдарламаға басқа университеттердің 70-тен астам студенті қатысқан. Біз сондай-ақ университеттің толық жабдықталған Сот залында сот отырыстарын өткізуге дайынбыз және күтеміз. Осылайша, біз Астанадан тыс жерлерде орналасқан компаниялар мен инвесторлар үшін дауларды шешу бойынша қызметтерімізді кеңейтуді жалғастырудамыз».

АХҚО Соты және ХТО Нархозға шетелдік жетекші жоғары оқу орындарымен бірлескен білім беру бағдарламаларын ашуға жәрдемдеседі.

Нархоздың жаңа кампусы АХҚО Соты және ХТО коммерциялық соттардың халықаралық стандарттары бойынша жабдықталған арнайы құрылған Сот отырысы залында тыңдаулар өткізуге мүмкіндік береді.

«Осындай жоғары деңгейдегі мамандар АХҚО Соты және ХТО тағылымдамасынан өтетін студенттерімізмен білімімен бөлісе алатынына қуаныштымыз. Қазан айында Нархоз Университетінің студенттер командасы кәсіби негізде алғаш рет АХҚО Соты және ХТО сот отырыстарының жыл сайынғы конкурсына қатысады. Бұл біздің студенттерге АХҚО Сотының қазіргі судьяларының алдында өздерін тараптар өкілдері рөлінде сынап көруге мүмкіндік береді. Нархоздың жаңа кампусында нақты сот тыңдауларын өткізу біздің қарым - қатынасымыздың сенімді сипатын көрсетеді», - деп атап өтті Университет президенті Мирас Дауленов.

Анықтама:

Нархоз Университеті экономика, құқық, бизнес, маркетинг, қаржы, қонақ үй бизнесі, туризм, мемлекеттік басқару және цифрлық технологиялар саласында оқытуды жүзеге асырады. Бүгінде Университет құрамына 5 мектеп пен 4 ғылыми орталық, соның ішінде Қазақстандағы Тұрақты даму институты кіреді.

Нархоз European Network for Academic Integrity (ENAI) мүшесі болып табылады, FIBAA (еуропалық аккредиттеу агенттігі) институционалдық және бағдарламалық аккредитациясына ие және Times Higher Education Impact Ranking Британдық рейтингінің нұсқасы бойынша Қазақстанның үздік жеке меншік жоғары оқу орны болып танылды.

«Астана» халықаралық қаржы орталығы (АХҚО) - 2018 жылы жұмыс істей бастаған тәуелсіз юрисдикция. 2025 жылға дейінгі даму стратегиясына сәйкес АХҚО-ның негізгі міндеті ЕАЭО, Орталық Азия және Кавказ елдерін байланыстыратын әмбебап платформа ретінде беку болып табылады.www.aifc.kz

АХҚО Соты тәуелсіз институт болып табылады. Ағылшын жалпы құқығының қағидаттары мен нормаларына және озық халықаралық іс-тәжірибеге негізделген өзіндік  процессуалдық нормалары бар. АХҚО Соты өз қызметін тәуелсіз атқарады және Қазақстан Республикасының сот жүйесінің бір бөлігі болып табылмайды. Екі деңгейден тұрады: Бірінші инстанциядағы сот, оған ұзақ даулар соты ретінде белгілі мамандандырылған бөлімше және Апелляциялық сот кіреді. АХҚО шеңберінде жүзеге асырылатын  қызметпен және операциялармен байланысты туындайтын дауларға қатысты және барлық тараптар АХҚО Сотына   юрисдикция беруге жазбаша нысанда келісетін дауларға қатысты айрықша юрисдикцияға ие. Ол қылмыстық немесе әкімшілік сипаттағы қандай да бір дауларға қатысты юрисдикцияға ие емес. https://court.aifc.kz /

Халықаралық төрелік орталығы (ХТО) тәуелсіз институт болып табылады. Үздік халықаралық іс-тәжірибе үлгісі бойынша әзірленген өзіндік процессуалдық нормалары бар. Орталықта төрелік және медиация жолымен коммерциялық дауларды, соның ішінде мұнай-газ, сауда, құрылыс, энергетика, қаржылық қызметтер, банк ісі, ислам қаржылары, сақтандыру және зияткерлік меншік салаларында шешу бойынша көпжылдық тәжірибеге ие жетекші халықаралық төрешілер мен медиаторлардың өзіндік тізілімі бар. ХТО-ның төрелік шешімдері Қазақстан Республикасының аумағында және халықаралық деңгейде мойындалады және орындауға жатады.  https://iac.aifc.kz /  

[xfvalue_img]

Жаңалықтарды бағалаңыз

  • Сіздің бағалауыңыз
Итоги:
Дауыс берген адамдар: 0

Пікір қалдыру

Ваш e-mail не будет опубликован. Поля обязательны для заполненеия - *

  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Кликните на изображение чтобы обновить код, если он неразборчив