Елорда тұрғыны үйде жанжал шығарған, мас ағасына шағымданды
Ағымдағы жылдың 15 тамызында сағат 20.45-те "102-арнасына" елорда тұрғынынан ағасының үйге мас күйінде келіп, балағат сөздер айтып, жанжал шығарғаны туралы хабарлама келіп түсті.
Белгілі болғандай, 44 жастағы ер адамның жанжал шығарғаны бірінші рет емес екені анықталды және ол әр жолы бұл екінші рет қайталанбайды деп ант берген. Алайда, жанжалқой түзету жолына түспеген.
"Алматы" ауданы Полиция басқармасының учаскелік инспекторы полиция аға лейтенанты Асхат Исин маскүнем жанжалқойға қатысты ҚР ӘҚБтК-нің 73-бабы бойынша әкімшілік хаттама толтырып, іс құжаттарын Нұр-Сұлтан қаласының Мамандандырылған ауданаралық әкімшілік сотына қарау және шешім қабылдау үшін жіберді.
Бұдан басқа, жәбірленушінің қауіпсіздігін қамтамасыз ету мақсатында ер адамға қатысты қорғау нұсқамасы шығарылды, яғни оның еркінен тыс оны қудалауға және онымен байланысуға құқығы жоқ.
Судьяның қаулысымен ер адам үш тәулікке әкімшілік қамауға алынды.
Нұр-Сұлтан қ. ПД баспасөз қызметі
[xfvalue_img]
